د امريکې د دفاع وزير مارک اېسپر ویلي د افغانستان د سولې عمل هغومره ګړندی نه دی څومره چې تمه کېده، ځکه طالبان په دغه جګړه ځپلي هېواد کې په تشدد کمولو کې پاتې راغلي دي.
اېسپر د ګل/دوشنبې په ورځ ويلي دغه عمل د ټاکلي وخت نه وروسته دی او مونږ د دواړو فريقو سره دومداره خبرې کوو چې دوی د لوظنامې د پوره عملی کولو په لړ کې کومه اړتيا لري.
چارواکو متحاطه تمه لرله د امريکا او طالبانو ترمنځ د فرورۍ په مياشت کې شوې توافقنامه به بېن الافغاني خبرو ته لار هواره کړي، د سولې نوی بنياد به کېښودی شي او په افغانستان کې د کلونو جګړه به ختمه شي.
خو دغه بېن الافغاني خبرې د ولسمشر اشرف غني او عبدالله عبدالله د سياسي اختلافاتو ښکار شوې وې.
د مارک اېسپر په وېنا طالبانو ويلي چې په نړیوالو ځواکونو به بريدونه نه کوي خو دوی په افغان ځواکونو بريدونه سېوا کړي دي.
هغه ویلي د طالبانو لخوا تشدد نه دی کم شوی.
د پېنټاګون وياند جوناتهن هوفمن د جمعې په ورځ ویلي، د طالبانو لخوا د نه منلو وړ په لويه شمېره کې بریدونه کېدل د سفارتي حل لارې دپاره مناسب نه دي.
بل لور ته د امریکې مرکزي کمانډ (سېنټکام) د ګل په ورځ ويلي نور به د منځني ختيځ او افغانستان کې د هوايي بريدونه مالومات نه خپروي.
د سېنټکام وياند ویلي دغه بدلون د سفارتي اړيکو اندېښنو له امله راوستی شوی چې د بريدونو په اړه رپوټ د افغانستان د سولې په لړ کې د طالبانو سره روانې خبرې اغېزمنې نه کړي.
دغه هوايي ځواک د کال ۲۰۱۳م راهسې د میاشتې په سر د هوايي ځواک د عملياتو رپوټ خپروي.