لاس رسیدونکی لینک

تازه خبر

د صحت ماهرین: په امریکا او نړۍ کې احتجاجونو د کرونا وایرس د زیات خپرېدو اندېښنې پیدا کړي


واشنګټن ــــ وروسته له هغې چې عدالت هغه فیصله ختمه کړه کومه کې چې د سیډني ښار لاریون د صحت په بنیادونو غیر قانوني ګرځول شوی وو، د کورونا وایرس د خپرېدو خبرداری خلکو د پام نه وغورځاوو او د خالي- شنبې په ورځ په اسټریلیا کې په زرګونو خلک په امریکا کې د یو تورپوستي د مرګ په غبرګون کې د احتجاج په توګه سړکونو او کوڅو ته راوتلي وو.

احتجاج کوونکو د اسټرېلیا په لویو ښارونو لکه سیډني او میلبورن سره سره د هیواد په وړو ښارونو کې هم جلوسونه وویستل. مظاهریچیانو په لاسو کې غټ غټ کارډونه نیولي ‌وو، په کوم باندې چې د افریقایي امریکي جارج فلویډ اخیري "زه ساه نه شم اخیستلای" لیکل شوې وه.

د برتانیې د روغتیا وزارت له خوا د خبرداري وروسته په کوم کې چې هغه ویلي وو چې د دې اوونۍ په پای کې د احتجاجونو جلوسونو نه ډډه وکړئ، د خبرداري برخلاف ماسکونه په مخ خلکو د خالی- شنبې په ورځ د برتانیې په لندن او مانچسټر او لیچسټر ښار کې د "بلیک لایوز مېټر" په نوم اجتجاجونو کې ډیر په ګڼ تعداد کې ګډون وکړو.

په دې حالاتو کې چې د کورونا وایرس د خپریدو ګواښ موجود دی خو لاریون کوونکي د لاریون کولو نه منع شول او د خالي- شنبې په ورځ په یو شمېر نورو هېوادونو لکه کېنېډا، جرمني او زیمبابوې کې د نسل پرستۍ او د پولیسو د وحشت پر ضد خلکو لاریونونه وکړل.

بل اړخ ته سپېن د جمعې په ورځ ویلي چې د جولای د میاشتې د لومړۍ نیټې نه د بهرني سیلانیانو لپاره خپلې پولې بیرته پرانیزي.

سعوي عرب بیا د خالي- شنبې په ورځ په جده ښار کې وروسته له هغه د ماځیګر د درې بجو نه د سهار تر شپږو پورې د کرفیو یا ګرځبندیز پر ځای کولو اعلان وکړو، چې د کرونا وایرس په قضیو کې یې بیا ډېر زیاتوالی راغلی دی.

هم په دې حالاتو کې د روغتیا نړیوال سازمان د مخ ماسکونو په اړه خپلې مشورې او لارښودنې بدلې کړي دي او وايي د ماسک استعمال دې په هغه ځای کې وشي چرته چې کرونا وایرس ډېر خپور شوی وي او د خلکو نه فاصله ساتل ممکنه نه وي.

د جمعې په ورځ د روغیا نړیوال سازمان مشر ډاکټر ټیډورس اډهانوم وویل چې د ثبوتونو په رڼا کې د روغتیا نړیوال سازمان وړاندیز کوي چې په کوم ځایونو کې دا وایرس ډیر په خپریدو وي او ټولنیزه فاصله ساتل ګران وي نو حکومتونه باید عام خلک د ماسک اغوستلو ته وهڅوي.

د امریکې په ډېرو غټو غټو دوکانونو او مارکیټونو کې د سودا اخیستونکو لپاره د ماسک استعمال لازمي ‌کړی، د ماسک نه بغیر دوکان ته په تګ پابندي وي او د نړۍ ډېر ټرانزیټ سیسټمو یا د سورلو په ګاډو او رېل ګاډو بسونو کې د سورلو لپاره ماسک لګول لازمي کړي.

د جمعې په ورځ صدر ټرمپ په وایټ هاوس یا سپنه ماڼې کې د خبریالانو سره په خبرو کې په ریاستي ګورنرانو غږ وکړ، چې په لاکډاون کې نرمي وکړي.

دا په داسې حال کې چې د جان هاپکنز یونیورسټې شمېرې ښیي چې د جمعې په ورځ په امریکا کې 900 خلک د کرونا وایرس له وجې مړه شوي او تر اوسه یو لک او لس زره نه زیات خلکو ژوند د لاسه ورکړی، چې دریمه برخه خلک پکې یواځې په نیویارک ایالت کې مړه شوي.

د جان هاپکنز د شنبې- خالي تر ماښامه پورې رپورټ ښیي چې د کرونا وایرس له وجې د مړو شوو خلکو په شمېر کې برتانیه دویم، برازیل دریم او اټلي څلورم نمبر لري.

په برتانیه کې ترې د 40 زره او درې سوه نه زیات خلک مړه شوي. په برازیل کې دغه شمیره د 34 زره څخه اوښتی او په اټلي کې دغه یاد وایرس د 33 زره او 7 سوه نه زیات خلک وژلي.

بل خوا د امریکا مینیسوټا یونیورسټۍ د یوې تازه څیړنې تر مخه هاېډروکلوروکین- هغه دوايي چې صدر ټرمپ‌ یې د کرونا علاج ګڼي-‌ روغ کسان کرونا وایرس لګېدو ته نه اسانوي.

د نیو انګلېنډ جرنل یا طبي‌ مجلې تر مخه دغه دوايي اوس د پخوا په شان موثره نه ده پاتې. دغه دوايي د ملېریا د علاج لپاره کارول کیږي او امریکايي‌ صدر ادعا کړې وه چې د کرونا وایرس پرضد کار کوي او هغه پخپله هم کارولې ده، خو ځیني ډاکټرانو ویلي وو چې د کرونا لپاره د دغه دوایي کارول خطرناکې نتیجې لري.

د صحت نړیوالې ادارې د کرونا ناروغانو لپاره د دغه دوایۍ کارول او په دغې دوا تجربې کول بند کړي دي او په فرانس کې بیا په دغه دوایۍ بندیز هم لګول شوی دی.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG