لاس رسیدونکی لینک

Breaking News

د کابل په شېرشاه سوري جومات کې چاودنې د امام په ګډون څلور تنه وژلي


واشنګټن ــــ د افغانستان د پایتخت کابل لوېدیځ لور ته د کارته یې چار په سیمه کې نن په یو جومات کې د جمعې د لمانځه په مهال چاودنه شوې چې څلور تنه پکې وژل شوي دي او اته نور ټپیان شوي دي.

د افغانستان د کورنیو چارو وزارت وایي، چاودېدونکي مواد په شېر شاه سوري جومات کې دننه ایښودل شوي وو، چې وایي د لمانځه په وخت چاودل شوي دي.

په چاودنه کې د جومات امام مولوي عزیز الله مفلح هم وژل شوی دی. د ځینو افغان رسنیو په وینا، په درو نورو وژل شویو کې هم دوه د مسجد د امام زامن دي.

تر اوسه د دې چاودنې ذمه واري کومې وسلوالې ډلې پر غاړه نه ده اخیستې.

دا په لسو ورځو کې دویم بمي برید دی چې د کابل په جوماتونو کې کېږي، د جون پر ۲مه هم د کابل په وزیراکبر خان جومات کې چاودنې د مسجد امام مولوي محمد ایاز نیازی او یو لمونځ کوونکی وژلي او دوه یې ټپیان کړي وو چې ذمه واري یې داعش ډلې منلې وه.

XS
SM
MD
LG