په پاکستان کې په تېرو 24 ساعتونو کې نور 49کسان د کرونا وايرس څخه مړه شوي دي، په ملک کې د کرونا وايرس څخه د مړو ټوله شمېره 4167 ته رسېدلې ده.
په ملک کې په تېر شوا روز کې په نورو 3557 کسانو کې د کرونا وايرس پخلی شوی دی.
په پاکستان کې په کرونا وايرس د اخته کسانو شمېره دوه لکه، شپږ زره512 ته رسېدلې ده.
ويل شوي په کرونا وايرس اخته 95 زره407 کسان ښه شوي هم دي.
په پاکستان کې د کرونا وایرس پېښې تر ټولو زياتې په سند صوبه کې رپوټ شوي خو زيات مړي يې په پنجاب صوبه کې کړي دي.
په سند صوبه کې تراوسه پورې په 80زره446 کسانو کې د کرونا وايرس پخلی شوی او 1269 ترې مړه شوي دي.
خو په پنجاب کې په74زره778 کسانو کې د کرونا وايرس مالوم شوي او 1681 کسان يې مړه کړي دي.
د سرکاري شمېرو ترمخه په خېبرپښتونخوا کې تراوسه پورې 922 کسان د دې وايرس نه مړه شوي دي، په خېبرپښتونخوا کې د کرونا وايرس نه د اغېزمنو شمېره 25زره778 ده.
په اسلام اباد کې د دې وايرس نه 127، په بلوچستان کې 116، په ازادکشمیر کې 28 او ګلګت کې 24 کسان مړه شوي دي.
