لاس رسیدونکی لینک

Breaking News

افغانستان: سمنګان کې د استخباراتو په دفتر بريد کې 11 تنه وژل شوي 63 ژوبل


افغان چارواکو ويلي په سمنګان صوبه کې د استخباراتو په مرکزي دفتر د طالبانو په ځانمرګي بريد کې 11 تنه وژل شوي او 63 نور ژوبل شوي دي.

ياد بريد پرون د ګل/ دوشنبې په ورځ د سمنګان به مرکزي ښار اېبک کې شوی ؤ.

د افغانستان د جنوبي صوبې سمنګان والي عبدالطيف ابراهيمي وي او ای ته ويلي د استخباراتو (اېن ډي اېس) په دفتر شوي برید کې د عامو خلکو سره ښځې هم په نخښه شوي دي.

طالبانو د بريد زمه واري منلې او په درځنونو د استخباراتي سرتيرو د وژلو يې ويلي دي، طالبان زياتره دغه ډول تشې دعوې کوي.

د چارواکو په وېنا د سمنګان د استخباراتو د دفتر په مرکزي دروازه طالبانو اول د موټر د لارې ځانمرګی برید کړی او بيا دفتر ته ننوتي تر څو ساعتونو یې د افغان امنيتي ځواکونو سره نښته روانه وه.

د راپورونو ترمخه د فرورۍ په میاشت کې چې طالبانو د امریکې سره کومه توافقنامه کړې له هغې وروسته په غټو ښارونو کې دا د طالبانو کومه غټه حمله ده.

د يادې توافقنامې وروسته طالبانو په امریکايي او نورو بهرنيو ځواکونو بريدونه ودرولي خو په افغان ځواکونو بريدونه یې دوامداره ساتلي دي.

طالبانو د پروني برید په اړه جاري کړي بیان کې ويلي د سمنګان په صوبه کې په استخباراتو بريد هغو خلکو ته پېغام دی چې په سفارتي ژبه نه پوهيږي.

په افغانستان کې د طالبانو بريدونه په داسې حال کې دوام لري چې افغان حکومت وايي د طالبانو بنديوان خوشي کوي خو طالبان وايي حکومت بايد ټول پينځه زره بنديوان طالبانو خوشي کړي.

د فرورۍ د مياشتې د توافقنامې ترمخه افغان حکومت به د طالبانو 5000 بنديوان او طالبان به د حکومتي 1000 امنيتي سرتيري خوشي کوي.

افغان حکومت وايي تراوسه پورې نزدې 4200 بنديوان طالبان خوشي کړي او طالبان وايي 800 سرتيري يې ازاد کړي دي.

XS
SM
MD
LG