لاس رسیدونکی لینک

تازه خبر

پاکستان

افغان حکومت او طالبان د ستمبر پر 12مه په قطر کې بین الافغاني مذاکرات پیلوي

واشنګټن ــــ تر اووه میاشتني ځنډ وروسته افغان طالبانو اخر اعلان وکړ چې وایي بین الافغاني خبرې به د راتلونکې شنبې- خالي په ورځ پیلېږي او دوی به هم پکې ګډون کوي.

دغه اعلان په قطر کې د طالبانو د دفتر نوي ویاند ډاکټر محمد نعیم پر خپل ټویټر لیکلي چې دغه خبرې به د ستمبر د میاشتې پر 12مه نېټه په قطر کې پیلېږي. ښاغلي نعیم لیکلي:

"اسلامي امارت د مذاکراتو بهیر په ښه ډول پرمخ بیولو او د اسلامي ارزښتونو او هیواد د علیا منافعو په چوکاټ کې، د سرتاسري سولې او سوچه اسلامي نظام د رامنځ ته کیدو هوډ لري".

افغان حکومت هم په یوه جلا بیان کې د مذاکراتو د پیلېدو اعلان کړی دی. د ارګ له خوا په خپاره شوي بیان کې ویل شوي چې د حکومت مذاکراتي ټیم به د ولسمشر غني په امر سبا د جمعې په ورځ قطر ته سفر وکړي. په بیان کې ویل شوي:

"ولسمشر په هېواد کې د دایمي سولې او ارامۍ لپاره- چې د ولس همېشنۍ غوښتنه ده- د افغانستان د اسلامي جمهوریت د مذاکره کوونکي پلاوي د کامیابۍ هیله لري".

تر دې وړاندې د افغان حکومت د مرکچي پلاوي دوو غړو فوزیې کوفي او حفیظ منصور ازادي رېډیو ته ویلي وو، چې سبا د جمعې په ورځ به قطر ته سفر کوي او بله ورځ به له طالبانو سره د سولې خبرې پیلوي.

د طالبانو د قطر دفتر ویاند محمد نعیم وایي طالبان د بین الافغاني خبرو په پیلېدونکې غونډه کې د طالبانو او امریکې د تړون په اساس ګډون کوي. د طالبانو د مرکچي پلاوي مشري مولوي عبدالحکیم کوي.

د افغان حکومت په بیان کې ویل شوي چې د مذاکراتو په پیلېدونکې غونډه کې به د سولې د ملي شورا مشر ډاکټر عبدالله عبدالله، د خارجه وزارت سرپرست حنیف اتمر، د سولې په چارو کې د ولسمشر ځانګړی استازی عبدالسلام رحیمي او د سولې په چارو کې د ممکت وزیر سید سعادت منصور نادري هم د حکومت په استازیتوب ګډون کوي.

See all News Updates of the Day

د پاکستان د نوي بجټ نیمایي برخه به د لویو پورونو په بیرته ورکولو باندې لګیږي

د پاکستان د 68 ارب ډالرو کلني بجټ یوه لویه برخه که د ملک دفاع ته ځانګړې شوې خو نیمایي برخه به یې د لویو قرضونو بېرته ورکولو باندې لګيږي چې د دې لپاره به ټیکسونه هم زیاتوي.

څېړونکي د حکومت له اړخه د ټیکسونو راغونډولو لپاره اخستل شوي ګامونه ستایي خو وایي د پاکستان ټیکس نظام اصلاحاتو ته اړتیا لري.

حکومت په راتلونکي مالی کال کې 13 کرب روپۍ (46.66 ارب ډالر) په ټېکسونو کې د راغونډولو هدف ایښی دی چې د روان مالي کال په نسبت نیزدې 40 فیصده زیات دی.

د اقتصادي چارو پوه اعزاز سید وایي د پاکستان وړاندې شوي بجټ کې د پور یا قرضونو ورکولو لپاره 34 ارب ډالره بېلې کړی شوې چې پکې 34 فیصده زیاتوالی راغلی:

"د آمدن راټولولو لپاره د 44.6 بیلین ډالرو هدف سره، د تیر کال په پرتله 40 فیصده زیاتوالی شوی. مرکزي حکومت په ټېکسونو کې زیاتوالی د نړیوالې مالیاتي ادارې ای ایم ایف نه د یو بل قرض پروګرام ترلاسه کولو په رڼا کې کړی".

اقتصادپوه اعزاز سعید وایي سږ کال په بجټ کې حکومت پر ټېکسونو نه ورکوونکو یا نان فاېلرز خلکو او ادارو باندې زیات ټیکسونه لګولي دي چې یو ښه ګام دی خو زیاتوي د دې سره په ټیکس نظام کې اصلاحات هم ضروري دي:

"د پاکستان حکومت د مالیې راغونډولو لپاره یو شمیر ګامونه پورته کړي، خو د دې ترڅنګ فیډرل بیور اف ریوینیو کې اصلاحاتو ته اړتیا ده، ولې چې د ایف بي آر د اوسني سټرکچر له امله به د حکومت لپاره ټاکلي ټیکسونه راغونډول یو څل بیا لوی چېلنج وي".

د خزانې وزير محمد اورنګزېب د اقتصادي ودې کچه 3.6 فيصده، د ګرانۍ کچه 11.8 فیصده او د بهرنۍ زرمبادلې ذخیرې شاوخوا 9 ارب ډالرو اټکل کړی دی.

د خزانې د وزیر دغې وینا ته د کراچۍ سټاک مارکېټ KSE-100 د 3.7 فیصده په بره تګ سره ځواب ویلی مګر د بودیجې په اړه د خلکو غبرګونونه په پراخه کچه توپیر لري.

د یوې شخصي کمپنۍ کارکوونکی محمد یوسف وایي، "پر تنخاداره طبقه باندې چې کوم ټیکس لګېدلی ددې اثر پر هر څه پرېوزي. د ورځني ضرورت شیان 20 فیصده ګران دي او بې روزګاري په دې حال کې ده نو د عامو خلکو لپاره ژوند نور هم زیات سخت شي".

حکومت دعوه کوي چې د ټیکس دایره به پراخه کړي، لکه څنګه چې ای ایم ایف ترې غوښتنه کړې ده او د 44.6 اربه ډالرو (13 ټریلین روپیو) هدف یې ټاکلی، چې د روان کال په نسبت 40 فیصده ډېر دی.

د اسلام اباد یو اوسېدونکی سجاد احمد وایي، "مونږ په دې بجټ خوشاله نه یو ځکه چې زمونږ پر تنخاګانو ټیکسونه ډېر زیات او تنخاوې کمې دي، په دې نه کور چلېدای شي او نه د ماشومانو فیسونه ورکولی شو".

پاکستان د ډیفالټ یا قرضونو په خپل وخت نه ورکولو څخه بچ کېدو لپاره د نړیوال مالیاتي فنډ ای ایم ایف سره له شپږو تر اته ارب ډالرو پورې قرضې په اړه خبرې روانی دي، خو د اتحادي ګوندونو د اختلاف، د ګرانۍ د اقداماتو په وړاندې د خلکو د مزاحمت په منځ کې د حکومت د اصلاحاتو د هڅو په اړه اندېښنې موجودې دي.

​ بجټ کې په پانګونو د ټېکس نه لګېدو وروسته د پاکستان د ونډو بازار په بره ختلی

د ونډو بازار پوهان وايي د مرکزي بېنک له خوا د سود په شرحه کې د کمي وروسته د ونډو په بازار ټېکسونه نه دي لګول شوي
د ونډو بازار پوهان وايي د مرکزي بېنک له خوا د سود په شرحه کې د کمي وروسته د ونډو په بازار ټېکسونه نه دي لګول شوي

د پاکستان د قومي بجټ اعلانېدو پس نن د جون په ‏‎13‎مه نېټه د پاکستان ونډو بازار 3400 پواينټونو نه زیات بره تللی، اقتصاد پوهان وايي، د ونډو بازار ‏د بره تلو غټ علت په بجټ کې په پانګونو د نوي ټېکس نه لګېدل دي ځکه کاروباريانو د ونډو په بازار کې زياتې پانګونې کړي او په بره ختلی دی.‏

د پاکستان ونډو بازار ترمخه نن د سر ‏‎100‎‏ کمپنيانو کاروباري ورځې پيل د 72797 پواينټونو سره شوی وو او د کاروباري ورځ په ختمېدو د 3410 ‏پواينټونو په بره تلو سره په 76208 پواينټونو بند شوی او د بازار په مجموعي کاروبار کې 4.67 فيصده زياتوالی شوی دی.‏

د ونډو بازار پوهان وايي د مرکزي بېنک له خوا د سود په شرحه کې د کمي وروسته د ونډو په بازار ټېکسونه نه دي لګول شوي.‏

د ونډو بازار کارپوه شهريار بټ وايي، "د بجټ نه وړاندې د پاکستان ونډو بازار کې اوازې وې او ويل کېدل چې په سټاک مارکيټ باندې به هم ټيکس لګول ‏کېږي ځکه چې حکومت د ټېکسونو زيات ‏هدف اېښودو ويلي وو خو د بجټ راتلو وروسته هغه اندېښنې ختمې شوې او چې کومه د 3500 پواينټونو کمي ‏راغلې وه نن بازار هغه کمي بیا پوره کړه".‏

د ونډ وبازار کې د پانګه والو په خبره، دا وخت د مختلفو کاروباري سېکټرونو خلکو سره د ونډو بازار يواځينۍ لاره ‏پاتې شوې چرته چې خلک خپلې ‏پانګې محفوظې ګڼي ځکه چې حکومت په بجټ کې بل يو کوم داسې سيکټر نه ‏دې پريښودی چې د ټيکسونه غټ بوج پرې نه وي اچول شوی.‏

پانګه وال عبدالروف وايي، "د ونډو بازار دپاره بجټ ښه او مضوبط وو خو ډيرو نورو کاروبارونو دپاره منفي ثابت شوی، نو چې څومره داسې کاروبارنو ‏کې پانګې شوې دي هغه به اوس ونډو بازار ته راځي، ښکاري چې راتلونکي څه وخت پورې به اوس دغه مارکيټ 75000 نه تر 85000 پواينټونو تر منځ ‏کاروبار کوي". ‏

اقتصاد پوهانو وايي که بجټ په د ونډو په بازار زیات اثر نه دی غورځولې خو په بجټ کې چې کوم ‏ټېکسونه لګول شوي، د هغې سره به ګراني نه کميږي ‏بلکې نوره به سېوا کيږي، په عامو خلکو به یې زياتې ‏اغېزې وي، کوم رعايتونه چې ورکړل شوي وو هغه ټول ختم کړل شوي دي.‏ ‏

اقتصاد پوه خبريال وکيل الرحمان وايي، "د ملک هر ډول شعبه هغه که عام خلک دي او که نور، په هغو ګراني راغله، عام د خوراک څيزونه به ګرانيږي، ‏باقي تجارتي شعبه به هم ځپل کيږي ځکه چې وړاندې پرې ټيکسونه نه وو يا کم وو".‏

اقتصاد پوهان وايي، بجټ د نړیوالې مالياتې ادارې (آی اېم اېف) د پروګرام لاندې جوړ شوی، د ټېکس زيات ‏هدف اېښودل شوی هغه ترلاسه کول يوه مهمه ‏پوښتنه ده، په بجټ کې د اهدافو ترلاسه کولو دپاره به یو ځل بيا ‏سختې فېصلې کول وي.‏ ‏

د پاکستان دفاعي بجټ 318 اربه روپۍ زیات کړی شوی او 2122 اربه روپۍ تجویز شوی

د پاکستان حکومت د مالي کال 2024/25 په بجټ کې د دفاع د پاره 17.6 فیصد زیاتوالي سره د 2122 اربه روپیو تجویز ورکړی دی، په روان مالي کال کې د پوځ بجټ 318 اربه روپۍ زیات کړی شوی دی.

څېړونکي وایي دا هغه پېسې دې چې ښکاره دي خو د پاکستاني پوځ د بجټ یوه لویه برخه پټه هم وي او اکثر په وفاقي بجټ کې د هغې څه تفصیل نه وي ورکړل شوی.

د پاکستان حکومت د یو شمېر ټېکسونو له اضافې سره سره د خپلو ځمکنيو، هوايي او سمندري پوځونو او بیا ددې پوځونو لاندې کارکوونکو استخباراتي او نورو امنیتي ادارو د پاره په بجټ کې اضافه تجویز کړې ده.

د پوځونو د پاره تجویز شوی بجټ د ګرد هیواد د ترقیاتي بجټ نه هم زیات دی او دا د مجموعي بجټ نه هم- چې نیم نه زیات برخه د قرضونو د واپسۍ د پاره ده- دوولس فیصده زیات دی.

د پېښور پوهنتون د جرنلزم د څانګې استاد څېړونکی ډاکټر عرفان اشرف وایي، د پاکستان چې کوم معاشي صورتحال دی په دې کې د پوځونو د پاره په بجټ کې دوولس فیصدي نه زیاته اضافه "ناروا" ده:

"دا اضافه ښیي چې پوځ په سیاست کې مداخلت کوي او خپل د خوښې حکومت جوړ کړي او بیا د هغې حکومت له ذریعې خپل بجټ کې اضافه وکړي، خو دا ښکاره بجټ دی، دې نه علاوه د پاکستان پوځ یو پټ بجټ هم وي چې پارلیمان ترې خبر نه وي".

څېړونکي وایي د ریټاير شویو پوځیانو د پینشن او نورو خرڅونو د پاره اېښودل شوې 662 اربه روپیو رقم د دفاع بجټ څخه نه ورکړل کیږي بلکې د حکومت جاري اخراجاتو نه ورکول کیږي.

څېړونکي وایي دغه شان د جوهري وسلو او میزایل پروګرامونو د پاره هم رقم د دفاع بجټ نه نه ورکړی کیږي، ځکه نه ده معلومه د دفاع اصل بجټ څومره وي.

خبریال او څېړونکی عادل شاه زېب وایي، "بد مرغه" پاکستان کې چرته هم د تعلیم د پاره بجټ زیات نه دی تجویز کړی شوی، خو د دفاع بجټ کې اضافه کیږي:

"اوس دفاع بجټ په حقله ویل کیږي چې پاکستان ګاونډي هیوادونو سره تعلقات ښه نه دي او دلته ترهګري هم زیاته ده نو دې نه ښکاره ده چې زمونږ ترجیحات څه دي".

د پاکستان حکومت وایي دې وخت کې د سخت معاشي حالاتو نه تېرېږي اؤ رپوټونو ترمخه تېر کال د آي اېم اېف لخوا قرض پروګرام ترلاسه کولو نه پس پاکستان په ډېر ګرانه د ډیفالټ یا دیوالیه کېدو نه بچ شوی وو.

خو د فاع بجټ کې اضافه چې هر کال کیږي دې کال هم داسې وخت کې شوې ده چې پاکستان حکومت اؤ پوځ وایي دلته ترهګري سېوا شوې ده اؤ نیزدې موده کې د پاکستان ایران اؤ افغانستان سره په شریکو پولو جګړې هم شوې دي.

ډاکټر عرفان اشرف وایي، پاکستان یو ایټمي طاقت لرونکی هیواد دی نو ولې بیا ددې پوځ په روايتي توګه دومره زیات اخراجات کوي:

"وړاندې به دا ویل کېدل چې پاکستان ایټمي طاقت تر لاسه کړو نو بیا د لوی پوځ ضرورت نه شته باید چې پارلیمان کې په دې خبرې وشي چې آیا پوځ به ساتل وي اؤ که ولس؟".

2024/25 بجټ نیم په نیمه برخه د بهرنیو قرضو واپسي د پاره اېښودل شوې ده اؤ دې نه پس تر ټولو زیاته برخه د دفاع د پاره ده

په تېرو شپږو کالو کې دا دويم ځل دی چې د دفاع په بجټ کې دومره لویه اضافه شوې ده، تر دې وړاندې هم دغه شان اضافه د مسلم لیګ نواز په تېر حکومت کې شوې وه.

ماه رنګ بلوڅ: بشري حقونو د سرغړونو خلاف او بلوڅانو د حقونو د مبارزې نه نه وروسته کېږم

ماه رنګ بلوڅ په کراچۍ پرېس کلب کې خبري غونډې ته  وويل، د تيرو څو کلونو راهسې دوی په بلوچستان کې د بشري حقونو د سرغړونې خلاف او بلوڅ حقونو دپاره په پرامنه ډول مبارزه کوي خو دوی تنګول کيږي او د راپارولو هڅې یې روانې دي
ماه رنګ بلوڅ په کراچۍ پرېس کلب کې خبري غونډې ته  وويل، د تيرو څو کلونو راهسې دوی په بلوچستان کې د بشري حقونو د سرغړونې خلاف او بلوڅ حقونو دپاره په پرامنه ډول مبارزه کوي خو دوی تنګول کيږي او د راپارولو هڅې یې روانې دي

د بې درکه بلوڅانو او بلوڅانو د حقونو دپاره د کار کوونکي تنظيم بلوڅ يکجهتي کمېټۍ مشرې ماه رنګ بلوڅ دعوه وکړه چې د تنظيم د غړو پرضد يې تشدد کيږي، ګرفتاريانې یې روانې دي، د دروغو مقدمې پرې درج کول کيږي خو هغه به د دې هر څه باوجود د خپلې مبارزې څخه په شا نه شي.

ماه رنګ بلوڅ په کراچۍ پرېس کلب کې خبري غونډې ته وويل، د تيرو څو کلونو راهسې دوی په بلوچستان کې د بشري حقونو د سرغړونې خلاف او بلوڅ حقونو دپاره په پرامنه ډول مبارزه کوي خو دوی تنګول کيږي او د راپارولو هڅې یې روانې دي چې دوی د تشدد لاره خبله کړي خو بلوڅ ماه رنګ بلوڅ وویل يکجهتي کمېټي يو زمه واره او منظم سياسي تنظيم دی شعوري مبارزه کوي.

بلوڅ يکجهتي کميټي دعوه کوي چې د بلوچستان صوبې څخه په زوره خلک بې درکه کول او د عدالت لرې یې وژنې کيږي خو حکومت او ادارې اکثره وايي، د بې درکه بلوڅو دپاره مبارزه کوونکي تنظيمونه چې کوم خلک بې درکه شمېرې يا ګڼي هغوی په بېلتون خوښو ډلو کې شامل شوي، د رياست پرضد هلوځلو کې ککړ وي يا د ملک څخه بهر وتلي، او يا د امنيتي ادارو سره د عملياتو په مهال او يا په نښتو کې وژل کيږي.

وي او اې ډیوه سره خبرو کې ماه رنګ بلوڅ وويل دوی دغه تورونه ردوي.

"ماته افسوس دی چې وژنو ته څنګه جواز جوړول کيږي کله چې د دې ملک اداره وايي چې که يو څوک په سنګینو جرمونو کې ککړ ولې نه وي، هغه دې عدالت ته وړاندې کړل شي او عدالت هغه ته د قانون ترمخه سزا ورکولی شي، نو د دې پوښتنې ځواب دا دی چې که تاسو ته د وژلو اختيار د دې ملک قانون او ايين درکوي نو بيا پرې خبره کېدی شي"

خبري غونډې ته ماه رنګ بلوڅ وویل، دوی پرامنه مبازه کوي خو د سختو مشکلاتو سره مخ دي ځورول کيږي تنګول کيږي او د غړو ګرفتاريانې یې روانې دي خو دوی به تشدد پله لاړ نه شي او د خبلې مبارزې څخه به نه په شا کيږي، د خپل تنظيم د هلو ځلو په اړه يې وويل.

"مونږ بالکل ازاد نه يو مونږ يو پرامنه سياسي تحریک چلوو، د هغې باوجود زمونږ د لسګونو په شمېره کې غړو باندې مقدمې درج کړل شوي هغو ته ګواښونه کيږي، او زمونږ ټول تنظيمي پروګرامونه ګډوډل کيږي، پوليس ته ښکاره ازادي ورکړل شوې ده چې راشي زمونږ پروګرامونو کې اړی ګړی جوړ کړي څنګه چې په 18مه مې وشو د کوټې پرېس کلب وتړل شو".

هغې وويل، رياست دې د زمه وارۍ ثبوت ورکړي د ايين او قانون احترام دې وکړي جمهوري او سياسي مبارزه دې ومني بلوچستان کې دې د بشري حقونو هر ډول سرغړونې په فوري توګه ختم کړي.

د بلوچستان حکومت وخت په وخت دعوې کوي چې په صوبه کې د بشري حقونو سرغړونې نه کيږي هر چاته د قانون او ايين لاندې د بیان او سياست ازادي ترلاسه ده، او د هر هغه چا پرضد عمليات کيږي چې د رياست مخالفه هلوځلو او ترهګرۍ کې لاس لري.

د پاکستان تجاران اؤ کاروباري طبقه وایي د بجټ په نتیجه کې به ګراني سیوا اؤ صنعتونه نور هم وځپل شي

په پاکستان کې د حکومت مخالفو سیاسي ګوندونو تر څنګ تجارانو اؤ کاروباري طبقې هم د مالي کال ۲۰۲۴-۲۵م وفاقي بجټ رد کړی اؤ ویلي یې دي, چې له دې بجټ سره به ملک کې د ګرانۍ کچه لوړه شي اؤ د بې وزله خلکو په اوږو به نور درانه بارونه پریوځي.

د پاکستان د خزانې وزیر محمد اورنګزیب د مالي کال ۲۰۲۴-۲۵م لپاره د۱۸۸۷۷ اربه روپو بجټ د شورو یا چهارشنبې په ورځ پارلیمان ته وړاندې کړی چې له مخې یې په بیلابیلو څانګو کې یو شمیر ټیکسونه پځای کړل شوي اؤ حکومتي رعایتونه ختم کړل شوي دي.

د بجټ وړاندې کېدو نه وروسته د پاکستاني سوداګرو د اتحادیې مشر ښاغلي زبېر موتي واله د کراچۍ په تجارتي خونه کې یو مطبوعاتي کانفرنس ته وینا کې ویلي په دې بجټ کې د ۳ زره ۵ اربه روپو نوي ټیکسونه لګول شوي دي اؤ دې سره به د ګرانۍ یو نوی طوفان راپورته شي.

هغه ویلي چې د نوؤ ټيکسونو سره به د صنعتونو فعالیتونه وځپل شي.

نوموړي په دې خبره نیوکې کړي چې په نوي بجټ کې د سختو ستونزو سره د مخ صنعتونو لپاره د ګیس په نرخونو کې د کمي هیڅ خبره نه ده شوې.

هغه ویلي چې دا بجټ به د برامداتو د ودې لاره کې خنډان راولاړ کړي .

د زبېر موتي واله په خبره، د موجوده قانون له مخې تر ۲۰۰۰ سي سي پوري د ګاډو په اخستو اؤ رجسټریشن ایډوانس ټیکس د انجن د څرنګوالي یا کیپسټي په اساس اخستل کیږي خو دا چې اوس د ګاډو نرخونه ډير ختلي دي نو ځکه باید د ټولو ګاډو ټیکسونه باید د انجن کپیسټي پځای د ګاډو د نرخونو په تناسب سره وتړل شي.

هغه ویلي چې بجټ کې د آي ټي څانګه کې زیاتې اسانۍ ورکړل شوي اؤ د ایکسپورټرانو لپاره پکې مشکلات دي نو ځکه حکومت ته به په دې نظر ثاني کول وي.

هغه ویلي په دې بجټ کې ولس یا تاجرانو ته کومه اساني نه ده ورکړل شوې بلکې د آي ایف ایم د خوشحالولو لپاره جوړ کړل شوی دی.

د پښتونخوا چیمبر اؤ کامرس صدر فواد اسحاق ویلي دبجټ حجم د ۱۸ اربو روپو دی اؤ د ټيکسونو هدف پکې د ۱۲ زره اربو دی اؤ د ټيکسونو دا وړاندیز د ترقي خوښي پاکستان په لوري نه ځي.

هغه ویلي چې بجټ کې په سولر پینلو اؤ بیټریانو د رعایت ورکولو وړاندیز د ستایلو دی اؤ د هایډل ریسورس سیوا کولو وړاندیز هم غوره دی خو وایي د غیر قانوني سمګلنګ یا قاقاق د مخنیوي لپاره باید یوه واضحه تګلاره جوړه کړل شي.

د بلوچستان د تجارتي خوني مرستیال مشر اغا ګل خلجي د بجټ په حواله یو مطبوعاتي کانفرنس ته ویلي چې دا بجټ د ولس په ښېګړه نه دی بلکې په زیان یې تمامیږي.

هغه وویل د وفاقي بجټ نه دا خبره روښانه شوه چې د بلوچستان هیڅ وارث نشته ځکه چې بجټ کې د بلوچستان لپاره هیڅ یوه ستره پروژه نه ده اعلان کړل شوې.

هغه ویلي بلوچستان صوبه تر خېبر پښتونخوا هم زیات ټیکسونه ورکوي اؤ حال دا چې دواړه پولې یې دا وخت تړلې پرتې دي.

اغا ګل خلجي وویل په بلوچستان کې صنعتونه نه شته اؤ په پولو یې تجارت هم تړل شوی دی نو ځکه باید بجټ کې زیاته پاملرنه بلوچستان ته شوې وای خو وایي په بجټ کې د تنخاګانو اؤ پنشن اضافه یو غوره اقدام دی.

د کراچۍ چیمبر پخواني صدر هارون فاروقي بیلابیلو رسنیو سره خبرو کې ویلي چې د وفاق له لوري اعلان کړل شوي بجټ کاروباري منافعه ختمه کړې ده.

د ملتان چیمبر اف کامرس صدر میا راشد اقبال پخپل غبرګون کې ویلي چې بجټ کې په جاییدادونو ډیر زیات ټيکس لګول شوی اؤ د کورونو په اخستو اؤ خرڅولو به نرخونه لوړیږي اؤ هم به ۱۸ فیصدي ته د سیلز ټيکس په لوړولو سره ګراني سیوا کیږي.

نور کتل

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00
XS
SM
MD
LG