لاس رسیدونکی لینک

تازه خبر

بلوچستان: د افغانستان سره په پوله برید کې د پاکستانۍ ملېشې سرتيری وژل شوی


د پاکستان پوځ ويلي د افغانستان سره په پوله د بلوچستان صوبې د ژوب په منزه کۍ سېکټر کې د افغانستان د لوري نه د ترهګرو په بريد کې د ملېشې [فرنټئير کروپس] يو سرتېری وژل شوی او دوه نور ژوبل شوي دي.

پوځ ویلي د پولې د پورې غاړې نه ترهګرو بريد کړی دی.

د پېښې په اړه د نهې/ سه شنبې په ورځ جاري شوي بيان کې ویل شوي، په بريد کې 22 کلن نايک فخر عباس وژل شوی دی.

د پاکستاني طالبانو تحريک د بريد زمه واري منلې، د دوه سرتيرو د وژلو، د پوستې او ګاډو او وسلې په قبضه کې اخستو دعوه يې کړې ده.

پاکستان ويلي تل يې د افغانستان سره د پولې د انتظام مسله راپورته کړې چې د پولې د پورې غاړې نه د ترهګرو مخنیوی وشي.

د افغانستان لخوا د يادې پېښې په اړه په سمدستي ډول کوم بيان مخې ته نه دی راغلی.

د پاکستان او افغانستان لخوا وخت په وخت داسې خبرونه مخې ته راځي چې په پوله د يو بل د لوري نه بل لوري ته بريدونه کیږي.

د پاکستان د پوځ مشر جنرل قمر جاوېد باجوه په 28م اکتوبر د ملاکنډ سفر کړی او پوځ ته يې په ملک کې د ترهګرۍ د پېښو کېدو وروسته د بېدار پاتې کېدو لارښوونه کړې وه.

نوموړي دغه سفر په پېښور کې په مدرسه کې د چاؤدنې يوه ورځ وروسته کړی ؤ.

تېره مياشت هم د پاکستان پوځ ويلي ؤ، ترهګرو په باجوړ کې د پاکستان او افغانستان په پوله د پورې غاړې نه په پوځي چيک پوسته بريد کړی، حوالدار تنوير پکې وژل شوی او یو سرتيري پکې ژوبل شوی ؤ.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG