لاس رسیدونکی لینک

Breaking News

امريکې په سعودي عرب د بريد غندنه کړې


امريکې د سعودي عرب په پلازمينه د هوايي بريد کولو غندنه کړې او ويلي يې دي ښايي دغه برید د عامو خلکو په هدف کول وو.

د سعودي عرب سرکاري ميډيا ویلي، د سعودي عرب حکومت د خالي په ورځ ميزايل يا ډرون ودرولی دی.

حوثي ياغيانو په دغه بريد کې لاس لرل رد کړي دي.

له دې وړاندې حوثي ياغيانو د پولې د پورې غاړې په سعودي عرب بريدونه کړي، وروسته له هغې چې د سعودي عرب په مشرۍ اتحاد د حوثيانو پرضد د يمن د ملاتړ دپاره عمليات پېل کړي وو.

د امریکې د بهرنیو چارو وزارت ویلي د خالي د ورځې بريد د ټولو نړيوالو قوانينو سرغړونه ده او د سولې دپاره کېدونکې ټولې هڅې اغېزمنوي.

د امریکې د بهرنیو چارو وزارت په بيان کې ویلي، امریکا د سفارتي لارې د تاؤ تريخوالي دپاره کار کوي چې د يمن جګړه ختمه شي خو د خپل اتحادي سعودي عرب دفاع به هم کوي چې د بريدونو يې وژغوري او د ثبات زيانونکو مخه به نيسي.

سعودي په يمن کې وروسته له هغې عمليات پېل کړي چې حوثيانو د یمن پلازمينه صنعا نيولی ؤ، په يمن کې په هوايي بريدونو کې ټکونه هم شوي چې عام ملکي وګړي پکې وژل شوي وو.

XS
SM
MD
LG