د امریکې د دفاع وزارت ویلي، په شام کې د امریکايي ځواکونو د جګړې توجه د داعش په پاتې شوې ډله ده، نه چې د تیلو ذخیرې يا ساحې وساتي. څنګه چې پخواني صدر ډانلډ ټرمپ امر کړی وو.
د پېنټاګون وياند جان کربي ویلي، څنګه چې تير کال يو امریکايي شرکت په شمالي شام کې د کردانو سره لوظنامه کړې وه چې د تيلو د ذخيرو په ګټه پورته کولو کې به يې مرستې کوي، امریکايي پوځ په دې کې لاس نه لري.
د کربي په وېنا، په شام کې موجود 900 امريکايي سرتيري او کنټرېکټرز اجازه نه لري چې د تيلو په پرمختيا کارکوونکې کمپنۍ يا کارکوونکو ته يې مرستې ورکړي.
هغه ویلي امریکايي ځواکونه به د اجازې ترمخه په هغو علاقو کې عام خلک خوندي کوي، چرته چې د امریکا پوځ د تيلو د ذخيرو په علاقو کې د موجودګۍ څرګندونه کوي.
هغه ويلي، دا ډېره مهمه ده چې ياد وساتل شي چې په شام کې د امریکا مشن داعش ته ماتې ورکول يقيني کول دي.
دغه بدلون د امریکا نوي صدر جوبايډن کړی کوم چې د تيرې لسيزې راهسې د شام د کورنيو جګړو دپاره د ټرمپ په پاليسۍ کې شوی دی.
په شام کې د تیلو ذخيرې د ملک په شمالي برخه کې دي چرته چې د امریکا ملاتړي کرد ډېموکرېټک ځواک د تيلو څخه امدن ترلاسه کوي.
امریکا او اتحاديانو يې په کال 2019م کې په شام او عراق کې د داعش خلافت ختم کړی او ټرمپ د د شام څخه د زياتو سرتيرو ويستلو اعلان کړی ؤ خو ويلي يې وو د تيلو د ساتلو دپاره به يو څه ځواک پاتې شي.
امريکايي چارواکو هغه ويلي وو امریکايي پوځ به د دې دپاره شتون ولري چې د تيلو ذخيرې د تندلارو لاسو ته لاړې نه شي.
