لاس رسیدونکی لینک

تازه خبر

امریکې پر پاکستان د ترکي د جنګي هیلیکاپټرو د خرڅېدو مخه ونیوله


واشنګټن ــــ امریکې پاکستان ته د هغو 30 جنګي هیلیکاپټرو د ورتګ مخه نیولې چې په ترکي کې جوړ شوي او پر پاکستان یې خرڅ کړي وو، خو پاکستان تر اوسه په دې اړه څه نه دي ویلي.

د بلومبرګ ورځپاڼې د خبر له مخې د ترکي د صدر دفتر ویاند ابراهیم کلین د ګل- دوشنبې په ورځ ویلي:

"امریکې د ترکي مخه نیولې چې پر پاکستان خپل هیلیکاپټر خرڅ کړي، دا به اسلام اباد اړ کړي چې له چینه یې واخلي".

اې ټي اې کې ټي-129 هیلیکاپټر دوې انجنې لري چې دوه سیټونه لري، دوه کسان یې چلوي او په هر موسم کې الوتلای او برید کولای شي، دې هیلیکاپټر ته د امریکا جوړې انجنې ور لګېدلې دي.

د ترکي د صدارتي‌ دفتر ویاند ښاغلی کلین وايي، د امریکې دغه اقدام د دې هېواد ګټو ته زیان رسولای شي.

ترکي او پاکستان په 2018م کال کې د ترکي جوړو هیلیکاپټرو لپاره د 1.5 اربه ډالرو تړون کړی وو، خو پاکستان ته د دغو هیلیکاپټرو ورکول ځکه ځنډېدلي وو، چې پېنټاګان یې د انجنو د لایسنسونو له ورکولو انکار کړی وو.

ترکي وایي امریکې چې د هیلیکاپټرو د انجنو د لایسنسونو او د پېټریاټ په نوم د هوایي دفاعي توغندیو له ورکولو انکار وکړ، نو ترکي هم پرېکړه کړې چې له روسه ایس-400 توغندي واخلي.

رپوټونه وایي امریکې پاکستان ته د ترکي د هیلیکاپټرو د مخنیوي لومړی اعلان د 2019م کال په جولای میاشت کې هغه وخت وکړ، چې څو ورځې وروسته پخواني صدر ډانلډ ټرمپ له وزیراعظم عمران خان سره په واشنګټن کې ملاقات کاوه.

د اسلام اباد او انقرې تر منځ دا تړون پاکستان ته دا موقع ورکوي چې که د ترکي هیلیکاپټر ور نه کړل شو نو کولای شي دا تړون ختم کړي او له چین څخه زیډ-10 هیلیکاپټر واخلي.

د امریکې او پاکستان د حکومتونو له اړخه تر اوسه په دې اړه کوم رسمي بیان مخې ته نه دی راغلی.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG