د افغان چارواکو په وېنا د نهې/ سه شنبې په ماښام په کابل کې درې چاودنې شوي، لږ تر لږه لس تنه ملکي وګړي پکې وژل شوي او د 14 زيات پکې ټپيان شوي دي.
اېسوسي اېټډ پرېس د د کورنيو چارو د وزارت د مرستیال وياند حامد روشان له قوله ویلي د کابل په لويدیځه برخه کې دوه چاودنه شوې او لس تنه پکې وژل شوي او د 12 نه زيات پکې نور ټپيان شوي دي.
ويل شوي درېمه چاودنه د کابل په شمال کې د بجلۍ په ګرېډ سټېشن شوې ده.
روشان ويلي، لومړۍ دوه چاودنې د هزاره ټولنې په ابادۍ والا علاقه کې شوي واړه بسونه پکې په هدف شوي دي.
ويل شوي لومړۍ چاودنه د هزاره مشر محمد محقق د کور سره نزدې د شيعه جومات مخې ته شوې ده.
روشان ويلي په دوېمه چاودنه کې هم د ملکي وګړو بس په هدف کړی شوی دی.
په سمدستي ډول د چاودنو زمه وارۍ چا نه ده منلې خو له دې په شيعه و د بريدونو زمه واري داعش منلي دي.
په کابل کې د مې په مياشت کې د جينکو د يو سکول مخې ته چاودنې شوې چې پکې د وژل شوو شمېره د 90 پورې رسېدلې وه.
د دغه بريد زمه واري هم چا نه وه منلې خو امریکا يې زمه واري په داعش اچولې وه.
په افغانستان کې په وروستيو کې د بدامنۍ او تشدد پېښې بيا سېوا شوي دي، په داسې حال کې چې امریکا خپل ځواکونه د افغانستان نه اوباسي.
