لاس رسیدونکی لینک

تازه خبر

امریکا پاکستان ته نور 30لکه موډرنا ويکسين ورکوي


د امريکې د صدر جوبايډن انتظاميې ویلي، د کرونا وايرس قابو کولو دپاره امریکا د موډرنا نور 30لکه ويکسين پاکستان ته ورکوي، او دغه ويکسين به سبا د اتوار په ورځ (25 جولايۍ) پاکستان ته رسيږی.

د سپينې ماڼۍ يو چارواکي وي او اې ته ويلي امریکا پاکستان ته دغه ويکسين د صحت د نړیوال پروګرام لاندې ورکوي، له دې وړاندې هم امريکې پاکستان ته 25لکه ويکسين ورکړي وو.

پاکستان د امریکا مننه کړې او د بهرنيو چارو د وزارت ویاند زاهد حفيظ چودري ويلي چې دغه ويکسين به په پاکستان کې د روان کمپاين دپاره مرستندويه وګرځي.

د سپينې ماڼۍ يو چارواکي ويلي دغه ويکسين د کوم شرط په بنياد نه ورکوي ويکسين د خلکو د ژوند بچ کولو په خاطر ورکوي.

د پاکستان د بهرنيو چارو وزارت ويلي د کرونا وبا پرضد په روانو هڅو کې د امریکا دغه مرستې يو ښه مثال دی او پاکستان د امریکا دغو مرستو ته د قدر په سترګه ګوري.

په پاکستان کې د کرونا وبا څخه تراوسه پورې 22زره 971 کسان مړه شوي او د يو ملين نه زيات خلک په دې وايرس اخته شوي دي.

سرکاري شمېرې ښايي تراوسه پورې په ملک کې د 68لکو نه زياتو کسانو د ويکسينو دوه ډوزه او يو کروړ92 لکو نه زیاتو ته د ويکسينو يو ډوز لګول شوی دی.

په ملک کې په وروستيو کې چارواکو ويلي د کرونا وبا يو ځل بيا سېوا شوي او ويل شوي په ځانګړي ډول په کراچۍ کې د کرونا ډېلټا ډول زيات خوريږي کوم چې د طبي پوهانو په وېنا زيات په تېزۍ سره خورېدنکی وايرس او خطرناک دی.

د سيند صوبې حکومتي وياند مرتضا وهاب په ټويټر ويلي، سيند صوبې پرېکړه کړې چې په ملک کې د کرونا دپاره جوړې مرکزي کمېټۍ (اېن سي او سي) او د پآکستان ټيلي کميونيکېشن اتهارټۍ ته ليکي چې د هغو کسانو موبايل سيمونه وتړي چا چې ويکسين نه دي لګولي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG