لاس رسیدونکی لینک

Breaking News

د امریکې او پاکستان استازو په افغانستان کې د تشدد په کمولو او سياسي جوړ جاړي خبرې کړي


US pakistan flag

د امریکې او پاکستان امنيتي سلاکارانو ليدلي په افغانستان کې د تشدد د کمولو او د افغان شخړې د سياسي جوړ جاړي په موضوع يې خبرې کړي دي.

د امریکې د ملي امنيت سلاکار جيک سېلوين او د پاکستان د وزیراعظم د امنیتي چارو سلاکار معيديوسف په واشنګټن کې ليدلي دي.

د دغه لیدنې په اړه جېک سېلوېن په ټویټر ویلي،

"د پاکستان د ملي امنیت د سلاکار سره مې وليدل په سيمه ييزه امنیت او شريکه همکارۍ مو خبرې وکړې. مونږ په افغانستان کې په سمدستي توګه د تشدد په ختمولو او د شخړې په سياسي جوړ جاړي مو بحث وکړو".

د پاکستان د وزیراعظم د ملي امنيت سلاکار معيد يوسف ويلي،

"د امریکايي سيال سره مې نن په واشنګټن کې رغنده ليدنه وشوه. په جنېوا کې په شوې لیدنه کې په ترسره شوو خبرو مو بحث وکړو او صلاح شو چې دوه اړخيزې اړيکې به جاري ساتو".

جېک سېلوېن او معيد یوسف د مې په مياشت کې په جنېوا کې ليدلي وو.

هغه وخت په مطبوعاتو ويل شوي وو چې د پاکستان او امریکا ترمنځ په پاکستان کې امریکې ته د اډو ورکولو خبرې شوي خو پاکستان بيا په کلکه دغه خبره رد کړې وه.

امریکايي او پاکستاني استازي په واشنګټن کې دا تازه ليدنه په داسې حال کې کړې چې امریکا او نړیوال ځواکونه د افغانستان نه ووځي او هلته طالبانو بريدونو ته زور ورکړی دی.

XS
SM
MD
LG