لاس رسیدونکی لینک

Breaking News

نېب د راو انوار د شتمنيو د پلټنو منظوري ورکړې


د پاکستان د احستاب قامي ادارې (نېب) منظورې ورکړې چې د کراچۍ د پخوانۍ پوليس افسر راو انوار نه به پلټنې کولی شي چې هغه د امدن نه سېوا شتمنۍ څنګه جوړې کړي دي. د کراچۍ پوليسو پخوانی افسر راو انوار د جنوبي وزیرستان سره تعلق لرونکي ځوان نقيب مسيد او نورو لسګونو کسانو په جعلي مقابلو کې په وژنو تورن دی.

د پاکستان د ځايي مطبوعاتو ترمخه د نېب د کراچۍ څانګې پرون په لومړي اکتوبر غونډه کې سپارښتنه او منظوري ورکړې چې د هغه د څلورو انکوايرانو پلټنې دې وشي او د هغه د نهه بېنکونو اکاونټونه دې وتړل شي.

د ډان ورځپاڼې د خبر ترمخه د نېب د کراچۍ د مشر ډاکټر نجف قولي مرزا په مشرۍ غونډه کې پرېکړه شوې چې د راو انوار او هغه سره د نورو نه دې د امدن د سرچينو نه د زیاتو شتمنيو په اړه پلټنې وشي.

په راو انوار په غېر قانونه توګه د بهرتيانو سره د نورو غېر قانونه شتمنيو جمع کولو تورونه هم دي.

په راو انوار تور دی چې هغه د کال 2018 د جنورۍ په مياشت کې د جنوبي وزیرستان سره تعلق لرونکی نقیب مسید او د هغه سره درې نور کسان په جعلي مقابله کې وژلي وو.

د يادې مقابلې د پېښې د پلټنو دپاره د پوليس خپلې جوړې ګډې پلټنيزې کمېټۍ دغه مقابلې ته جعلي ويلي وو. او هغه وخت چې راو انوار د کراچۍ د ملير ضلعې د پوليسو مشر وو، په هغه او د هغه سره د 25 کسانو پرضد د نقيب مسيد د وژنې مقدمه جوړه کړی شوې وه.

په ياده مقدمه کې راو انوار سره د پينځه کسانو په ضمانت خوشی دی، او د نقيب مسيد د کورنۍ د وکیلانو په وېنا په مقدمه کې13 کسان بنديوان او اووه مفروران دي.

امریکې د کال 2019 په دسمبر کې راو انوار د بشري حقونو د سرغړونو په نوملړ کې اچولی او ویلي يې وو،

"راو انوار چې د کراچۍ د ملير ضلعې د پوليس مشر وو هاغه وخت د پولیس د جعلي مقابلو زمه وار وو، هغه په 190 پوليس مقابلو کې ککړ پاتې شوی چې پکې يې د نقيب الله مسيد په ګډون 400 کسان وژلي دي".

راو انوار د امریکا تورونه رد کړي خو په پاکستان کې د بشري حقونو کار کوونکو د امريکا دغه ګام ستايلی وو.

په دسمبر 2020 م کې برتانیه هم د بشري حقونو د سرغړونو په سر په راو انوار سفري او اقتصادي بنديزونه لګولي وو.

XS
SM
MD
LG