لاس رسیدونکی لینک

Breaking News

عمران خان د هکله-ډېره اسماعيل خان موټر وی پرانسته وکړه


د پاکستان وزیراعظم عمران خان د اسلام اباد سره نزدې د هکله څخه ډېره اسماعیل خان ته د موټر وی لارې پرانسته وکړه.

د موټروی د پرانستې دستورې ته په وېنا کې عمران خان وويل، د چين- پاکستان اقتصادي راهدارۍ (سي پېک) په پروژه کې وړاندې زيات کار په ختيځ پنجاب کې شوی دی.

هغه وويل د دې اوسني لويديځ روټ به ډېرې ګټې وي، د اووه ساعتونو نه چې سفر درې ساعتونو ته شي ډېر ګټې به ولري او په خپله به پرمختګ وشي.

عمران خان وويل، د پاکستان غټه مسله غبن دی او زياته يې کړه د 2013 نه تراوسه پورې قيمتونه ډېر سېوا شوي، خو په کال 2013 کې چې کوم سړکونه جوړېدل په هغې حساب اوس په ارزانه بيه سړکونه جوړيږي د هغې مطلب دا وو چې هغه وخت ډېرې پېسې غبن کېدې جېبونو ته تلې، خلک پېسې جوړولې.

په کال 2013 کې په پاکستان کې د مسلم ليګ ن ګوند حکومت وو.

عمران خان وويل، که پېسې غلا شوی نه وې ډېر سړکونه به جوړ شوي وو او تور يې ولګوو چې لږ تر لږه يوزر اربه روپۍ د خلکو جېبونو ته تللي دي.

عمران زياته کړه، د حکومت په پاتې موده کې به د سي پېک په لويديځ روټ زیات کار کوي.

د سرکاري ميډيا ترمخه د هکله څخه تر ډېره اسماعیل خان پورې 293 کلوميټره موټر وی باندې 11 انټرجېنجې، 36 پلونه او 33 فلايي اوورې او 119 انډر پاسې جوړې کړی شوي دي.

XS
SM
MD
LG