لاس رسیدونکی لینک

تازه خبر

بايډن په يوکرېن د بريد په سر په روس نور بندېزونه لګولي


د امریکې صدر جوبايډن د زيارت په ورځ په روس نور بندېزونه لګولي، دا څو ساعته وروسته له هغې چې د روس صدر ولاديمیر پيوټن په ګاونډي يوکرېن په بشپړ ډول يرغل کړی دی، په دغو بريدونو کې 57 يوکرېنيان وژل شوي او د روس پوځ د يوکرېن د پلازمينې کيف په ګډون څو ښارونو پله چټک پرمختګ کړی دی.

بايډن په سپينه ماڼۍ کې د زیارت په ورځ د G-7 هېوادونو او نېټو اتحاد د مشرانو سره د ورچويل ليدنې وروسته ویلي، "پيوټن يرغلګر يا بريد کوونکی دی، پيوټن جګړه غوره کړې او اوس به يې هېواد د دې نتيجې زغمي".

د امریکې په نوو بندېزونو کې د روس بېنک، تکنيکي سېکتر او د بهر ليږونکو څيزونو مرکز په هدف کړی شوي دي.

بايډن ویلي، "دغه ګامونه به د روس د اقتصادي سېکټرونو دپاره ماليې او ټېکنالوجۍ ته رسايي کمه کړي او د کلونو دپاره یې صنعت خراب کړي".

نېټو اتحاد، برتانیې او يورپي يونين هم د زیارت په ورځ په روس نور بندېزونه لګولي دي.

په روس د بندېزونو اغېزې سمدست په نړیوال مارکيټ کې ښکاره شوي چرته چې د ونډو بازارونه ټيټ شوي، او بيې لوړې شوي دي.

بايډن منلې چې په امریکا کې به ګاډي چلوونکي د تيلو ګران قيمتونه وويني.

خو نوموړي ویلي، "دا يرغل به بې ځوابه پاتې نه شي امریکا د ازادۍ دپاره ولاړه ده، او دا مونږ يو".

بايډن د روس صدر پيوټن په دې وروستيو اوونيو کې د خپلو امنيتي اندېښنو په اړه د امریکا او اتحاديانو سره یې په خبرو کې په دلچسپۍ ملامت کړی دی.

پيوټن بيا بيا ویلي چې د امریکا په مشرۍ د نېټو اتحاد د دوېمې نړيوالې جکړې وروسته جوړ شوی او روس ته ترې خطره ده، او غوښتنه يې کوله چې يوکرېن دې د دغه اتحاد برخه جوړ نه شي.

بايډن ويلي، "دا کله د امنیت د خطر په اړه نه وو، دا تل د بربنډ يرغل په اړه وو، د پيوټن د بادشاهت د هيلو په اړه وو".

د بايډن په خبره، "پيوټن به په نړۍ کې يواځې وي".

د روس لخوا په يوکرېن يرغل ته د دوېمې نړيوالې جګړې وروسته د يورپ امنيت ته غټ بريد ویل کيږي، کوم ته چې پيوټن ځانګړي پوځي عمليات ويلي دي.

د زیارت په ورځ په يوکرېن د روس په بريدونو کې، د يوکرېن د صحت د وزیر ويکټر لېياشکوف په وېنا 57 يوکرېنيان وژل شوي او 169 ژوبل شوي دي.

د امریکايي چارواکو په وېنا د روس د عملیاتو دا لومړی پړاو دی چې د يوکرېن د دفاع نظام يې پکې په هدف کړی دی.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG