د امریکې سپريم کورټ د زیارت/ پنجشنبې په ورځ [23 جون] خپله مهمه فېصله اورولې او ويلي يې دي امريکايانو ته دا حق حاصل دی چې د خپلې دفاع دپاره عامو ولسي ځايونو ته د ځان سره وسله وړلی شي.
د امریکا د سپريم کورټ دغه فېصله په داسې وخت کې مخې ته راغلې چې په وروستيو کې په امريکا کې په عامه کچه د وژنو پېښې مخې ته راغلي دي.
د راپورونو ترمخه د سپريم کورټ په نهه ججانو کې شپږو د فېصلې په حق کې او درېو په مخالفت کې رايې ورکړې ده.
د اېسوسي اېټډ پرېس ترمخه د سپريم کورټ په فېصله کې د نيويارک د 1913 هغه قانون هم ختم کړی شوی د کوم لاندې چې به خلکو د يو خاص اجازت سره ولسي ځايونو ته وسله وړلی شوه.
عدالت ويلي دغه ډول پابنديانې د امريکايي ايين د بل بدلون سره په ټکر کې دي.
د امریکا په کیليفورنيا، مېريلېنډ، نیوجرسي، مېسي چيوسټس او روډ اييلېنډ کې هم دې ته ورته قوانين موجود دي.
د امريکې صدر جوبايډن د سپريم کورټ په فېصله د خفګان څرګندونه کړې او ويلي يې دي د هغه په نظر دا د عقل او ايين دواړو سره په ټکر کې ده، او دوی ټولو له په دې اندېښنه پکار ده.
امریکايي صدر د رياستونو په کچه په دغه اړوند د نوو قوانينو جوړولو په خبره ټينګار کړی او ويلي يې دي هغه په ټول ملک کې د امریکايانو نه غوښتنه کوي چې د ګن سېفټي يا ټوپک خوندي کولو دپاره غږ پورته کړي ځکه چې زندګۍ په خطره کې دي.
[دا خبر د اې پي خبري ادارې څخه اخستل شوی دی].
