امریکې په افغانستان کې د 22 جون د زلزله ځپلو دپاره د نورو 55 ملينه ډالرو د مرستو اعلان کړی دی، ويل شوي په دغو مرستو کې به زلزله ځپلو ته اړين توکي چې پکې خوراکي توکي او نورو څيزونه شامل وي ورکولی شي.
د امریکې د بهرنيو چارو وزير انتوني بلينکن په ټویټر د زلزله ځپلو د مرستو د اعلان ويلي دي چې دغه مرستې به د امریکا د نړيوالې پرمختيا د پروګرام [ايو اېس اې ايي ډي] د لارې ورکولی شي.
هغه ویلي، د افغان ولس سره زمونږ مرستې او د يو اېس ايي اې ډي او همکارانو کار کول په دې سخت وخت کې ډېر مهم دي.
يو اېس اې ايي ډي ويلي، په شمالي افغانستان کې د 5.9 شدت زلزلې څخه اغېزمنو دپاره په 55 ملينه ډالرو سمدستي بشري مرستې به د متاثرو خلکو فوري ضرورتونه پوره کولی شي.
ادارې ویلي، په دغه زلزله کې خواوشا 770 کسان مړه شوي او د 1500 پورې مړه شوي وو.
يواېس اې ايي ډي ويلي، د زلزلې راتلو سره سم په ساعتونو کې د ادارې همکارانو د اغېزمنو مرستې پېل کړي دوی ته یې بشري او طبي مرستې رسولي دي.
ادارې ویلي، امریکا يواځينی هېواد دی چې د تېر اګست د مياشتې راهسې يې د افغانستان سره تر ټولو زياتې د 774 ملينه ډالرو بشري مرستې کړي دي.
امريکې د افغانستان د زلزله ځپلو د مرستو دپاره دا تازه اعلان په داسې وخت کې کړی چې ملګرو ملتونو ويلي د افغانستان 362زره خلک د زلزلې څخه اغېزمن شوي او ملګرو ملتونو د دوی د مرستو دپاره د 110 ملينه ډالرو غوښتنه کړې وه.
په افغانستان کې واکمنو طالبانو د زلزلې وروسته په نړیوالو د مرستو غږ کړی وو.
د طالبانو د بهرنيو چارو وزارت په 23 جون ويلي وو د هغو هېوادونو د هغو ټولو هېوادونواو مرستندويه ادارو مننه کوي چې د زلزله ځپلو دپاره يې عاجلې مرستې کړ ي او يا يې ژمنې کړي دي.
