لاس رسیدونکی لینک

تازه خبر

د کندهار غونډه: کوم ګاونډي چې د افغانستان پرضد امریکايي‌ ډرون ته هوايي لار ورکړې په جرم کې شریک دی


د افغانستان په کندهار کې د طالبانو د ولسي غونډې په پرېکړه ليک کې د امریکا د بې پايلټه الوتکې بريد په سختو ټکو غندل شوی او ويل شوي کوم ګاونډي هيواد چې د امریکا بې پايلټه الوتکې ته په خپله فضا کې د الوتو اجازه ورکړې هغوی هم په دې جنايت کې ورسره شريک دي.

د طالبانو ولسي غونډه پرون د زیارت/ پنجشنبې په ورځ په پرېکړه ليک پای ته رسېدلې ده.

ويل شوي، "په کابل کې د جولايۍ په 30م نېټه د امريکا بې پايلټه ډرون بريد د دوحې د تړون نقض، د بېن المللي قوانينو خلاف او د افغانستان پر حريم تجاوز بولي".

په دوېم اګست د امریکې صدر جوبايډن ويلي وو "زما په امر امریکې د افغانستان په کابل کې کامياب هوايي بريد کړی او د القاعده مشر ايمن الظواهري يې وژلی دی".

او دغه بيان ته په ځواب کې په کابل کې د طالبانو حکومت منلي وو، چې دغه بريد امریکايي ډرون کړی دی، غندنه يې کړې وه او د دوحې تړون سرغړونه يې ورته ويلې وه. په دغه بيان کې طالبانو د الظواهري په اړوند هیڅ ذکر نه وو کړی.

خو په څلورم اګست بيا د طالبانو حکومت بل رسمي بيان جاري کړی او ويلي يې وو، "په کابل کې چې کوم هوايي برید شوی او د امريکې صدر جوبايډن دعوه کړې وه چې د القاعده مشر ايمن الظواهري يې پکې په نخښه کړی، د طالبانو حکومت د ايمن الظواهري د راتګ او د اوسېدو په اړه هيڅ معلومات نه لري".

د طالبانو د ولسي غونډې په پرېکړه ليک کې د افغانستان د کوم ګاونډي ملک نوم نه دی اخستل شوی خو ويل شوي، "کوم ګاونډي هيواد چې د امریکا بې پايلټه الوتکې ته په خپله فضا کې د الوتو اجازه ورکړې هغوی هم په دې جنايت کې ورسره شريک دي".

ويل شوي "دا کړنه يې د ګاونډيتوب او اسلاميت خلاف عمل ګڼل کيږي او د همدې هيواد واکمنان بايد پوه شي چې د افغانستان په سر معامله کول او د افغانستان دښمنانو ته په خپله ځمکه او فضا کې د افغانستان پرضد د فعاليت دپاره اجازه ورکول يقينا د دوی دپاره بدې پايلي ولري".

په کابل کې د ډرون بريد وروسته په پاکستان کې داسې پوښتنې راولاړې شوې چې دغه ډورن د پاکستان فضايي حدود کارولي دي که نه دي؟.

د پاکستان تحریک انصاف فواد چودري په ټويټر ويلي،

"په افغانستان کې په ډرون حمله کې د پاکستان د ځمکې استعمالېدو سوال نه دی، سوال دا دی چې د پاکستان د فضايي حدودو استعمالېدو اجازه ورکړی شوې وه که نه؟ بيا بيا دا بيان ورکول کيږي چې د پاکستان ځمکه نه ده کارول شوې دا غېر واضحه خبره ده اړونده وزارتونو ته به واضحه بيان جاري کول وي".

خو په څلورم اګست د پاکستان دبهرنیو چارو د دفتر ویاند عاصم افتخار ویلي وو داسې هیڅ ثبوت نشته چې ګنې په کابل کې شوي ډرون برید کې د پاکستان خاوره کارول شوې ده.

تر دې وړاندې د پاکستان د کورنیو چارو وزیر رانا ثنا الله هم ویلي وو "په ايمن الظواهري پسې امريکايي ډرون د پاکستان څخه نه ووو تللی، هغه څنګه وژل شوی، هغه چرته وو؟ په دې باندې د افغانستان او امريکا ترمنځ خبره پکار ده".

د طالبانو د ولسي غونډې په پرېکړه ليک کې "داعش ته فتنه ګر او د عصر خوارج ويل شوي چې په افغانستان کې فساد خپروي".

د طالبانو په واک کې د راتلو وروسته داعش په افغانستان کې د ګڼو بريدونو زمه وارۍ منلي دي څيړونکي وايي په افغانستان د طالبانو حکومت ته د نورو چېلنجونو سره یو غټ چېنلج داعش هم دی.

د طالبانو د ولسي غونډې په پرېکړه ليک کې ويل شوي د طالبانو د حکومت په "وړاندې هر ډول وسله وال مخالفت، بغاوت او فساد ګڼل کيږي او دفع کول يې د طالبانو په حکومت واجب دي".

ويل شوي د طالبانو حکومت د "ګاونډيو هيوادونو، سيمې او نړۍ خلاف د افغانستان د خاورې نه استعمالولو د موقف ملاتړ کوي او د ګاونډيو او سیمې او نړۍ څخه هم غوښتنه کوي چې د افغانستان په داخلي چارو کې لاسوهنه نه کوي".

په کندهار کې د طالبانو ولسي غونډې ته د طالبانو مشر هبت الله اخندزاده هم وېنا کړې ده.

په افغانستان کې چې د طالبانو د واکمنۍ يو کال پوره شوی تراوسه د طالبانو حکومت يو هيواد هم په رسمیت نه دی پېژندلی.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG