واشنګټن - د ملګرو ملتونو امنیت شورا (سیکوریټی کونسل) به نن د د شورو په ورځ یوه بېړنۍ ناسته جوړوي چې په هغې کې به د جاپان د پاسه د شمالي کوریا د یو بالسټیک میزایل د تېرېدو مسئله څېړل کیږي.
د امنیت شورا دغه فوري او پرانېستې ناسته، د امریکا په مطالبې رابلل شوې ده. په ملګرو ملتونو کې د امریکا سفیرې، لېنډا ټامس-ګرینفیلډ پخپل ټویټر پاڼه لیکلي دي: «مونږ ته په کار ده چې د شمالي کوریا صلاحیت محدود کړو او پرېنږدو چې شمالي کوریا خپل غیرقانوني بالسټیک میزائیلونه او د ډله ییزې وژنې د وسلو پروګرامونه مخ ته بوزي.»
د جاپان د کابینې جګپوړي وزیر، هیروکازو ماتسونو د نهې/سې شنبې په ورځ خبریالانو ته وویل چې شمالي کوریا پرون (نهې ورځ) سهار په 7:22 بجو میزایل وتوغاوه چې دوه ویشت (۲۲) منېټه وروسته دا میزایل د جاپان د خاص اقتصادي زون نه بهر، په پسفیک سمندر کې راوغورځېد. د دې میزایل د ویشتل کېدو له امله، جاپان د نهې ورځې په سهار د هوکایدو او اوموري سیمو اوسېدونکي له هغو ځایونو نه وایستل.
د جنوبي کوریا د پوځ مشر ویلي چې د شمالي کوریا له اړخه دغه لانچ شوی میزایل، د منځني واټن ویشتونکی بالسټیک ډوله توغندی و چې د ځمکې نه 970 کلومټره پورته شو او د غورځېدو نه مخکې یې 4500 کلومټره لاره ووهله.
