لاس رسیدونکی لینک

Breaking News

 ايران: د مهسا اميني د مړينې وروسته د مظاهرو په مهال په پوهنتونونو کې پولیس په ځای کړل شوي


په ايران کې د 22 کلنې مهسا اميني د مړينې وروسته د روانو مظاهرو په مهال د شورو/ چهارشنبې په ورځ په څو ښارونو کې په پوهنتونونو کې امنیتي ځواکونه په ځای کړی شوي دي.

په ايران کې د مهسا اميني د مړينې پېښې وروسته په غټه کچه مظاهرې پېل شوي کومې چې د کال 1979 وروسته د ايران د روحاني مشرتابه دپاره غټ چېلنج جوړ شوی دی.

د عېني شاهدينو په وېنا په پلازمينه تهران، ارمنيا، تبريز او رشت ښارونو کې د احتجاجونو د مخنيوي دپاره پوليس په ځای کړی شوي چرته چې په ځانګړي ډول د پوهنتونو خوا ته مظاهرې کيږي او دغه يې مرکزونه جوړ شوي دي.

د رويټرز د خبر ترمخه د تهران پوهنتون يو زده کوونکي عېني شاهد ويلي، "د تهران پوهنتون نه چاپېره پولیس ولاړ دي، هغه په ويره کې دی چې کېمپس پرېږدي خو بهر د پوليسو ګڼ ګاډي ولاړ دي او زده کوونکي نيسي".

د بشري حقونو فعال وايي، د ايران امنیتي ځواکونو او د انقلابي ځواک رضا کار بسيج د زرګونو په شمېره کې مظاهره کوونکي نيولي، او د لسګونو په شمېره کې ژوبل کړی شوي او د 150 پورې کسان وژل شوي دي.

حکومت هم د امنيتي ځواکونو په شمول د ګڼو وژنو خبر ورکړی او تور يې لګولی چې د امریکا په شمول بهرني قوتونه ايران بې ثباته کول غواړي.

د شورو په ورځ په ټولنيزو رسنيو يوه ويډیو خپره شوې چې پکې په تهران کې د جينکو په سکول کې زده کوونکو د سرونو څخه حجابونه لرې کړي او نعرې وهي چې مرګ په [سپريم ليډر ايت الله] خامنه ای.

د نهې په ورځ په شيراز ښار کې هم د جينکو په سکول کې د بسيج يو غړی ایسار کړی شوی څوک چې د وينا دپاره راغوښتل شوي، په هغه نعرې وهل شوي چې "بسيج لرې شه"، او "مرګ په خامنه ای".

رويټرز ويلي د ازادو سرچينو څخه يې د دغو ويډيوز تاييد نه دی کړی.

په 13 ستمبر د ايران اخلاقي پوليسو په بند کې کرده ايرانۍ همسا اميني مړه شوې او د هغې وروسته د مختلفو طبقو سره تعلق لرونکي خلک په احتجاجونو راوتلي دي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG