لاس رسیدونکی لینک

Breaking News

فريډم نېټ ورک: پاکستان کې په تيرو لسو کلونو کې 53 خبريالان وژل شوي


اسلام اباد - په پاکستان کې د صحافيانو پرضد کېدونکو جرمونو باندې نظر لرونکي غېر دولتي تنظيم فريډم نېټ ورک د کال 2022 په رپورټ کې ويلي چې په دغه هېواد کې د کال 2012 او 2022 ترمينځه موده کې د وژل شويو صحافيانو په 96 فيصده پېښو ککړو ملزمانو ته سزاګانې نه دي ورکړل شوي.

د قتل مېدان او په پاکستان کې د وژل شويو صحافيانو لپاره د انصاف د نيشتوالي د عنوان لاندې دا رپورټ د خبريالانو خلاف د جرمونو د استثنا د خاتمې د اکتوبر په 2 نېټه د نړیوالې ورځې نمانځل کېدو مخکې جاري کړی شوی وو.

پاکستان په لومړي ځل د کال 2013 د اکتوبر په مياشت کې د ملګرو ملتونو د کاريز پلان توثيق کړی وو او له هغې وروسته يې د صحافيانو د تحفظ په اړه د کال 2021 په قانون د عمل کولو عزم هم کړی وو.

د فريډم نېټ ورک د رپورټ ترمخه د کال 2012 او 2022 ترمنځ موده کې د پاکستان دننه 53 صحافيان وژل شوي خو د رپورټ مطابق د قتل په دې 53 مقدمو کې يواځې دوه مجرمانو ته سزاګانې ورکړی شوي دي.

رپورټ زياتوي په پاتې 96 فيصده مقدمو کې د هېواد د انصاف نظام وژل شويو خبريالانو او د هغوى کورونو ته په انصاف ورکولو کې پاتې راغلی دی.

وي او اې ډیوه سره په کې د غېر دولتي تنظيم فريډم نېټ ورک مشر او په پاکستان کې د بې پولې خبریالانو د نړیوال تنظیم نماینده اقبال خټک وايي دا رپورټ هغه بنيادي خنډان په ګوته کوي چې د صحافيانو پرضد جرمونو کې ککړو کسان د سزا نه بچ ساتي.

ښاغلی خټک وايي يو دا چې پولیس خپل چالان په عدالت کې نه جمع کوي،او دويم خراب تحقيقات دي د کوم له کبله چې مقدمه په وړاندې نه ځي عدالتونه د ککړو کسانو خلاف فېصله نه ورکوي ځکه چې عدالت ثبوت غواړي.

د فريډم نېټ ورک په دې رپورټ کې د پاکستان دننه د صحافيانو لپاره تر ټولو زیات خطرناکه سيمه سيند صوبه ګرځول شوې ده او وايي د کال 2012 او 2022 ترمنځ لس کاله موده کې د کار پرمهال تر ټولو زیات 16 صحافيان په سيند صوبه کې وژل شوي دي چې د ټولو قتلونو 30 فيصده برخه جوړېږي او هم دا ډول په پنجاب صوبه کې دغه مهال 14 خبريالان وژل شوي چې د ټولو کېسونو 26 فيصده جوړېږي.

د ياد تنظیم په دې رپورټ کې نامالومه تنان د صحافيانو تر ټولو لوي دوښمنان بلل شوي او رپورټ د وژل شويو صحافيانو د کورنیو څخه د ترلاسه شوو مالوماتو په اساس وايي په دغه موده کې نامالومه کسان د صحافيانو لپاره تر ټولو لويه خطره ثابته شوې ده.

دا رپورټ په داسې حال کې مخې ته راغلی چې يو ياد پاکستانی خبريال خبريال ارشد شريف د 23 اکتوبر په شپه په کېنيا کې د نيروبي سره نزدې په مرموز ډول د پولیس په ډزو کې وژل شوی او ددغه هيواد پولیسو د دې وژني بنيادي لامل د شناخت تېروتنه ګرځولې ده.

د ارشد شريف د وژنې د پېښې په تړاو د پاکستان د پوځ وياند او د کورنیو چارو وزیر د شخصي ټى وي چېنل اې ار واي مشر سلمان اقبال نوم اخستی او غوښتنه یې کړې چې هغه دې هم پلټنو کې شامل کړل شي خو د شخصي ټى وي چېنل مالک سلمان اقبال په ټويټر جارى کړي بیان کې ويلي، په کينيا کې د وژل شوي پاکستاني صحافي ارشد شريف د قتل پلټڼې دې ملګري ملتونه وکړي او نوموړي په دې قتل کې د خپلې ککړتیا خبره هم رد کړې ده.

پاکستان د مطبوعاتو د ازادۍ تروړولو او د اختلافي اوازونو د غلې کولو اوږد تاریخ لري او د صحافيانو د حقونو ملکي او نړيوال تنظيمونه ددې تور د پاکستان په طاقتوره پوځ پورې کوي خو پاکستان دا تورونه ردوي.

د صحافيانو نړیوال تنظیم رپورټرز ود اوټ بارډرز د کال 2022 په خپل راپور کې پاکستان د صحافتي ازادې په لحاظ سره د نړۍ د 185 هېوادونو په فهرست کې په 157 نمبر اچولی دی او په نړيواله کچه پاکستان د صحافيانو لپاره هم خطرناک هېواد بلل کيږي.

اسلام اباد کې صحافيانو ته د قانوني مرستو لپاره د وکيلانو د جوړې قانوني څانګې غړی او قانون پوه افتاب عالم ډيوه ته وايي په پاکستان کې د صحافيانو پرضد جرمونو کې د استثنا رواج د کمېدو پرځاې سېوا شوی دی.

هغه وايي دا يو افسوسناک صورتحال دی چرته چې د صحافيانو خلاف د جرمونو کچه خپل بام ته رسېدلې ده خو د صحافيانو خلاف جرمونو کې ککړو کسانو ته سزاګانې نه کېدل په بنيادي توګه د جرمونو د سېوا کېدو لامل ګرځي.

هغه زياته کړه لومړی به مونږ وېل چې د کال 2001 او 2020 ترمنځ 150 خبريالان وژل شوي وو او زمونږ د مالوماتو له مخې په دې کې هم يواځې د څلورو مقدمو عمل بشپړ شوی خو د فريډم نېټ ورک دا اوسنۍ شمېرې ښيي چې د جرم څخه د بچ کيدو کلچر نور هم زیات شوی دی.

پاکستان کې د صحافيانو تر ټولو لوي تنظیم پاکستان فېډرل يونين اف جرنلسټس غړی او پښتون خبريال حنیف الرحمن ډيوه ته وايي کوم خلک چې د صحافيانو خلاف جرمونو کې ککړ دي هغوي دومره توانمند او بااثره دي چې که د هر چا حکومت وي د هغوي په اثر رسوخ کې هېڅ کمې نه راځي باید د دې لپاره ځانګړي قوانین جوړ کړی شي.

ناقدين وايي د دې راپور پايلې ښاي چې که څه هم په پاکستان کې په مرکزي کچه ا و سیند صوبه کې د صحافيانو د تحفظ لپاره ځانګړي قوانین جوړ کړی شوي خو بيا هم صحافيان غېر محفوظ دي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه


د امریکا صدر جوبایډن د سټېټ اف دي یونین وینا
please wait

No media source currently available

0:00 1:59:58 0:00

Recommended

XS
SM
MD
LG