لاس رسیدونکی لینک

Breaking News

روس د کال ۲۰۲۳ لپاره ۸۴ بیلینه ډالره دفاعي بودیجه اعلان کړې


واشنګټن - روس د کال دوه زره درويشتم د پاره شاوخوا څلور اتیا بلينه ډالره دفاعي بودېجه اعلان کړې ده.

دا د کال دوه زره درويشتم د پاره د کال دوه زره يويشتم په پرتله په ابتداېي توګه د اعلان شوي‌ بجټ نه څلوېښت فيصده زیات دی.

د دفاع وزارت ویلی دي چې د پور اخېستلو مقدار ښیي چې د روس د ماليې وزارت ګڼي چې اوسني‌ حالات د دوي په حق کې دي خو د راتلونکي‌ مالي ‌کال په اړه د غېریقیني صورتحال څرګندونه کوي.

په داسې حال کې چې په اوکراین کې درجه حرارت د صفر ډګري‌ سېنټي ګرېډ نه هم راښکته شوی دی، په کیېف کې چارواکو د مکمل بندېز خبردارې ورکړی.

له ای پي خبري اژانس سره په مرکه کې د ښار مېئر وېتالي‌ کلېټسچکو ویلی دي چې چارواکي‌ د بجلي ‌ګهرو د بحالۍ هڅې کوي.

د اوکراین وزیراعظم ډېنس شماېهل ویلی دي چې د روس هوایي بمبارۍ کې د کېف ګرېډ ته ډېر نقصان رسېدلی دی او یواځې دا نه بلکه په شمال کې د کېف نه واخله تر د جنوبي‌ سيمې اوډېسه پورې د روس په بمبارۍ کې د اوکراین د توانایۍ نظام نیم په نیمه تباه کړل شوی دی.

د یورپي کمېشن مرستیال صدر سره د خبرو اترو په وخت شماېهل ویلی دي چې له بده مرغه روس په ولسي اډانه یا انفرسټکچر مېزایلی توغوي او د خپلو دې بریدونو د لارې دوي د ولس خلاف جنګ پېل کړی دی، ځکه چې ولس د بجلۍ، اوبو، په ژمي کې د ځآنونو د ګرم ساتلو او د رابطو نه پرېکوي.

وزیراعظم زیاته کړه چې روس په پنځلسم نومبر د اوکراین په ښارونو تر سلو پورې مېزایل ورولی دي او تقريبا نیم په نیمه د انرجۍ نظام يې ناکاره کړی دی.

د اوکراین صدر ویلادیمیر زېلینسکي د جمعې په ورځ خپله وینا کې ویلی دي چې د انرجۍ د بېلا بېلو کمپنیو په هڅو تر ډېر حده د بجلۍ په کمي‌ قابو موندل شوې ده او په باقي‌ پاتو علاقو کې هم د دوي‌ هڅې دوام لري.

ملګرو ملتونو په ژمي‌ کې د بجلۍ د نشتوالي‌ په صورت کې د بشري کړکېچ خبرداری ورکړی.‌

بل پلو زېلېنسکي په کال دوه زره درویشتم کې د یورپين یونين لخوا د اتلس اشاريه پنځه بلينه ډالره د مالي ‌مرستو هرکلی کړی.‌

هغه زیاته کړې ده چې روس د خپل ځآن راغونډولو د پاره د لنډ مهال اوربند غوښتنه کوي خو له داسې کولو سره به حالات نور هم بد اړخ ته لاړ شي.

زېلېنسکي ویلی دي چې یواځې د روس د زور ور ختمولو په صورت کې اصلي ‌او اوږد مهال امن قاېمېدلی شي.

د یېل یونیورسټۍ هغه رپورټ چې د امریکې سټېټ ډېپارټمنټ ‌يې هم ملاتړ کوي،‌ ویل شوي دي چې په خېرسان کې د روس د قبضې په وخت د مارچ د میاشتې نه تر د اکتوبر د میاشتې پورې دوه سوه شپږويشت کسان نیول شوي یا بې درکه شوی دي.

‌د اوکراین وزیراعظم، پارلېماني‌غړي او نورو چارواکو په خېرسان کې په روس د بشري سرغړونو تورنه لګولی دي.‌

راېټرز په دې اړه د اوکرایني چارواکو د دعوو پخلی نه دې کړی.‌ روس په عامو خلکو د تشدد تورونه په کلکه ردوي.‌

په عېن حال کې روس د جمعې په ورځ‌ دعوه کړې چې اوکرایني پوځیانو د لسو نه زیات نیولی شوي د روس قېدیان وژلی دي او په کېف يې د جنګي‌ جرمونو تور لګولی دی او زیاته کړې یې ده چې لویدیځ په دې ځآنونه غلی کړی دي.‌

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG