لاس رسیدونکی لینک

تازه خبر

د اوکراين په جګړه کې د 15000 نه زيات کسان لا درکه شوي


د لادرکه کسانو د نړيوال کمېشن ترمخه د اوکراین په جګړه کې د 15000 نه زیات کسان لادرکه شوي دي.

په هاګ کې موقعيت لرونکی د لادرکه سازمان چې د بالکان د 1990م د لسيزو د جګړو په مهال جوړ شوی په جولايۍ کې يې په کيېف کې دفتر پرانستی چې د اواکرين د لادرکو مرسته وکړي.

د لادرکه کسانو دپاره جوړ کمېشن د يورپ مشرمېتيو هوليډی ويلي، دا نه ده معلومه چې په زوره څومره خلک لېږل شوي، دوی په روس کې په بند کې دي، د خپلو کورنيو د غړو سره دي، يا مړه دي او په عارضي قبرونو کې ښخ کړی شوي دي.

هوليډی رويټرز ته ویلي، د لادرکه اوکراينيانو دغه عمل به کلونه دوام ولري او دا د 15000 شمېره يواځې د ماريوپول ښار ده، چارواکي اټکل کوي د 25000 پورې کسان لادرکه یا مړه دي.

د نوموړي په خبره دا ډېره لويه شمېره ده او اوکراين د سختو چېلنجونو سره مخ دی او د روس سره په جګړه دی.

د لادرکه کسانو د کمېشن مشر دغه خبرې وروسته له هغې کړي چې د اوکراين صدر ولاديمير زيلنسکي غوښتنه کړې چې ملګري ملتونه دي روس ته په دې سزا ورکړي چې په ولسي ابادۍ يې بمباري کړې ده.

د لادرکو د کمېشن ترمخه د ډي اېن اې معاينې د لارې د خپلوانو د پېژندګلو په لټه کې معلومه شوې چې د یوګوسلاويه په شخړو کې په 40000 کسانو کې 27000 لادرکه شوي وو.

کمېشن په کيېف کې هم د ډي اېن اې نمونې اخستل پېل کړي دي. او هاليډی ويلي اوس هم مهم دا دي چې ټول اقدامات سم ترتیب کړی شي چې خلک وپېژندل شي.

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG