لاس رسیدونکی لینک

Breaking News

د بلوچستان په هرنایي کې د کولې په کان کې بند شپږ مزدوران مړه را وایستل شول


کوټه ـــــ د بلوچستان په هرنايي ضلع کې د کولې په کان کې بند شپږ کان کیندونکي ژوندي ونه ژغوﺭل شول او د ټولو مړي را ايستل شوي دي.

د هرنايي ضلعې په شاهرګه سيمه کې د شنبې- خالي په وﺭځ د کولې یا سکرو کان د چاودنې له امله نړېدلی چې پکې شپږ کان کیندونکي بند پاتې شوي وو.

د هرنايي ضلعې مرستيال کميشنر سردار محمد رفيق ترين وايي، له شاوخوا اووه ساعته عملیاتو کولو پس هم کاميابه نه شوه چې بند کان کيندونکي و ژغوﺭي او هغه په ژوندي حالت کې ﺭا وباسي:

" د نن واقعه د مرکزي حکومت په پي ايم ډي سي ماينز ايريا کې شوې ده، له اول سهاره د پي ايم ډي سي کارکوونکي، د لېويز ځواک عسکر، ځايي کارکوونکي مزدورانو په مرسته مو د شپږ سره کارکوونکو مړي را و ايستل، اوس مو مړي روغتون ته راوړي او له ضروري کاروايي وروسته يې جسدونه د دوی ورثا ته ورکوو."

د ترين په خبره د کولې کان ډېر ژور وو او هلته د زهرجن ګېس د جمع کېدو له امله کان کيندونکي مړه شوي دي. وایي مړه شوي شپږ سره کان کیندونکې له خیبر پښتونخوا سره تعلق لري.

وايي "باچا خالد، رحمان الله، نصيب ګل تعلق د پښتونخوا له سوات، د نجيب الله او غني الرحمان تعلق له دير او د سرفراز احمد په نامه کان کيندونکي تعلق له سيمې شانګلې سره دی"۔

د ترين په خبره د کولې د دې کان د مالک او ټهیکدار پر ضد به کاریګرو ته د بنیادي اسانتیاوي نه برابرولو او حفاظتي اقدامات نه کولو پر اساس مقدمه درج کوي.

د ماينز اينډ مينرلز محکمې سېکرېټري سېدال خان لوڼي په خبره په کوم کان کې چې پېښه شوې هغه يې بند کړی او د پېښېې رپورټ يې طلب کړی، وايي " په پېښه کې غفلت کونکو ته به ضرور قانوني سزا ورکوي۔"

د ماينز اينډ مينرلز محکمې رپورټ دی چې په بلوچستان کې د کولې د کانونو شمېر 3500 دی چې پکې تر 40000 زيات کان کيندونکي کار کوي، چې لوی شمېر يې د خېبر پښتونخوا او د افغانستان د کار کونکو دی۔

د کولې د مزدورانو لپاره کار کونکي تنظيمونه تل پر حکومت نيوکې کوي او تور پورې کوي چې حکومت او اړوند محکمې خپله زمه وراري د نه تر سره کولو له امله مرګونې پېښې را منځ ته کېږي۔

خو حکومتي چارواکي بيا وايي چې د کولې مزدوران له بې احتياطۍ او لا پرواهۍ کار اخلي چې د داسې پېښو سبب ګرځي۔

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG