په ايران کې د مهسا اميني د پېښې وروسته چې احتجاجي مظاهرې پېل شوي، د اتوار/يکشنبې په ورځ د ايران عامه پراسيکیوټر جنرل ویلي، چې تهران په ملک کې لانجمنه اخلاقي پوليس ختموي، که څه هم د کورنيو چارو وزارت په دغه اړوند څه نه ديلي.
پبلک پراسيکیوټر محمد جعفر منتظري د اخلاقي پوليسو ختمولو ويلي خو د ايران سرکاري خبري ادارې ويلي چې هغه د دغه ځواک د مشرۍ زمه واري نه لري.
د ايران د اخلاقي پوليسو د ختمولو په اړه اعلان په داسې حال کې شوی چې په دغه هيوا کې د دوو مياشتو نه د زیاتې مودې راهسې وژونکې احتجاجي مظاهرې روانې دي.
د ستمبر په نيمايۍ کې 22 کلنه مهسا اميني د سم حجاب نه کولو په تور نيول شوې او بيا تور لګول شوی وو چې هغه په حراست کې مړه وه. خو ايراني چارواکو ويلي وو هغه د زړه دورې نه مړه وه.
د یادې پېښې وروسته په ټول ايران کې احتجاجي مظاهرې پېل شوي چې پکې د چارواکو په وينا د 300 نه زيات کسان وژل شوي دي، د تهران په وینا په دغو مظاهرو کې ګڼ امنيتي اهلکار هم وژل شوي دي.
د ايران اخلاقي پوليس د کلونو راهسې د تهران او نورو ښارونو په کوڅو کې ګزمې کوي او په ځانګړي ډول ښځې ګوري چې د دوی د مذهبي مشرانو لخواجوړو اسلاقي قاعدو سرغړونه خو نه کوي.
تيره اوونۍ د ايران د انقلابي ځواک بريګيډيير اميرعلي حاجي زادي ويلي د دغه ښځې مړينې د ايران هر تن اغېزمن کړی دی او په مظاهرو کې د هيواد ځينې غوره بچي مړه شوي دي.
د امریکې د بهرنيو چارو وزیر انتوني بلينکن نه د سي بي اېس په پروګرام [فېس دې نېشن] کې پوښتنه شوې چې ايا د اخلاقي پوليسو ختمېدو سره په ايران کې مظاهرې هم پای ته ورسي.
هغه په ځواب کې ویلي، "دا خبره د ايران په خلکو ده چې دوی څه وايي او د مهسا اميني د وژنو د پېښې وروسته يې د ايران په ښځو کې زړوتيا ليدلې ده چې مظاهرې يې پېل کړي دي".
