د پاکستان تحریک انصاف فواد چودري ویلي، د پنجاب وزیراعلا پروېز الهي د پنجاب اسمبلۍ ماتولو سمري لاسليک کړې او ګورنر يې ته لېږلې ده، او د خېبرپښتونخوا اسمبلي به د خالي/ شنبې په ورځ [14 جنورۍ] ماتولی شي. نوموړي دغه اعلان تيره شپه په خبري غونډه کې کړی دی.
هغه ويلي، د ولس سره يې وعده کړې وه هغه يې پوره کړه او اوس به دوی بيرته ولس ته ځي.
د خېبرپښتونخوا حکومتي وياند بېرسټر سېف ويلي، په پنجاب کې د اسمبلۍ ماتېدو سره د خېبرپښتونخوا د اسمبلۍ ماتېدو عمل پېل شي.
د پاکستان تحریک انصاف ګوند مشر او مخکني وزیراعظم عمران خان له دې وړاندې هم څو ځله د اسمبليانو ماتولو نېټې ورکړې وې خو هغه وخت اسمبليانې نه وې ماتې کړی شوې.
فواد چودري ويلي که د پنجاب ګورنر په 48 ساعتونو کې سمري منظوره نه کړه اسبملي به په خپله ماته شي او په 90 ورځو کې به په خېبرپښتونخوا او پنجاب کې انتخابات کيږي.
د واکمنه اتحادي حکومت د مسلم ليګ ن مرکزي وزیر د فواد چودري د اعلان وروسته په ټويټر ويلي،
مننه عمران نيازي، د پنجاب ولس د مودې نه د پي ټي ايي د حکومت نه ځان خلاصی غوښتو، کوم چې د 2018 د انتخاباتو د مسلم ليګ ن مېنډېټ پټ کړی شوی او مسلط کړی شوی وو.
هغه تحريک انصاف ته په مخاطب کولو سره ويلي، تاسو خو د مرکزي حکومت ختمولو پسې وتلي وئ خپل حکومت مو ختم کړو او خوشالېږئ.
له دې وړاندې د پنجاب وزيراعلا چودري پرویز الهي د صوبایي اسمبلۍ څخه د باور رایه ترلاسه کړې وه.
خو په پنجاب کې اپوزیشن او مرکز کې واکمنې ډلې پاکستان مسلم لیګ نواز ګوند د بې باورۍ په تحریک شوې رایې ګیري مسترد کړې او اعلان یې کړی وو چې دا کارروایي به عدالت کې چیلنج کوي.
مسلم لیګ نواز ګوند د تېرې څه مودې راهسې دعوه کوله چې وزیراعلا خپل باور په پارلیمان کې بایللی دی او د پنجاب ګورنر هم وزیراعلا ته پارلیمان نه د باور د رایې ترلاسه کولو وینا کړې وه .
دشورو او زیارت په منځۍ شپه د پنجاب اسمبلۍ د اسپیکر سبطین خان په مشرۍ راجوړه شوې غونډه کې د وزیراعلا پرویز الهي صوبایي اسمبلۍ نه دباور رایې ترلاسه کولو په وخت اپوزیشن ګوند سخت احتجاج کړی او د پارلیمان دکارروایۍ نه یې داحتجاج په توګه بایکاټ یا پریکون هم کړی وو.
دکورنیو چارو مرکزي وزیر رانا ثناء الله ویلي وو د پنجاب اسمبلۍ ننۍ غونډه غېراییني وه چې دوي یې هیڅکله منلو ته تیار نه دي.
