لاس رسیدونکی لینک

تازه خبر

رپوټ: له افغانستانه بهر د القاعده خطر په طالبانو پورې اړه لري او داعش خراسان هم غرب کې د حملو ارادې لري


واشنګټن ــــ د امریکا د استخباراتي ادارو له خوا جاري شوی رپوټ وايي په افغانستان کې د طالبانو زورواکۍ ته د القاعده ډله د فتحې په نظر ګوري خو په کال 2022م کې د یادې ډلې مشر ایمن الظواهري په افغانستان کې د وژلو وروسته يې پلانونه ګډوډ شوي دي.

رپوټ وایي په افغانستان کې داعش خراسان به د طالبانو او مذهبي اقلیتونو په ضد خپل کمپاین ته دوام ورکوي چې مرګ ژوبله به يې عام ولس ته اوړي. دوی وايي داعش خراسان د افغانستان نه بهر په غرب کې د حملو کولو ارادې لري او ددې لپاره به خپلې هڅې دوامداره ساتي.

د ګردې نړۍ څخه د امریکا قامي سلامتیا ته د خطر اندازه رپوټ کې ویل شوي، القاعده ډله په خپلو سیمه ییزو ملګرو ډلو باندې اړه لري او مشران يې په افغانستان کې د طالبانو سخت دریځه حکومت او د بندیزونو پر ځای ساتلو لپاره په ایران کې د پناه ځایو په لټون کې دي.

رپوټ لیکي امکان دی القاعده به د طالبانو د واک لاندې په افغانستان کې خپل فعالیتونو لپاره توان اندازه کوي او د افغانستان نه په خارج کې د خپلو فعالیتونو لپاره د پناه ځایونو لټون کوي.

د امریکا استخباراتي ادارو رپوټ لیکي چې د القاعده له اړخه خطر افغانستان کې طالبانو پورې اړه لري او د افغانستان غوښتنې سیمه او مشرانو سره تړلې دي.

په رپوټ کې راغلي چې القاعده د امریکې په مفاداتو حملې جاري ساتلو لپاره کلکه ژمنه لري خو زیاتوي د امریکا په ځمکه نه بلکې خطر يې په هغه سیمو کې دی چرته چې د دوی ملګرې ډلې فعاله دي.

جاري شوی رپوټ وايي د القاعده ملګرې ډلې په ختیځه او غربي افریقه او یمن کې په خپله خاوره باندې امریکايي اشخاصو، اسانتیاوو او مفاداتو ته لوی خطر دی.

د امریکا قامي سلامتیا ته د خطرو اندازه رپوټ وايي، داعش په کال 2022 کې ګڼ شمیر مشران د لاسه ورکړي خو په شام او عراق کې به د دوی ترهګره فعالیتونه موجود وي.

رپوټ وایي داعش ډله د خپلو صلاحیتونو په بیارغونه او د نوو مشرانو په مخې ته راوستلو باندې اخته ده.

دوي لیکي په کومو ځایونو کې چې دغه ډلې فعاله دي هلته د داعش خطر امریکايي مفاداتو او اشخاصو پرضد به لا هم پر ځای وي او دا چې د داعش مفکوره او پروپیګنډه به هم یقیني خبره ده جاري وي چې د غربي هیوادونو پرضد حملو ته خلک وهڅوي.

دوی لیکي عراق او شام کې کال 2014م نه تر 2019م پورې کله چې داعش په ځینو برخو قبضه کړې وروسته د دوی د فعالیتونو په رفتار کې کمی د لوجسټیکي، مالي، شخصي او د مشرانو د کمي په سبب راغلی.

رپوټ وایي په افریقه، مرکزي او سوېلي اېشیا او منځني ختیځ کې د امریکې اشخاصو او مفاداتو ته د داعش له خوا لوی خطر دی.

هېلو وي او اې په ټي وي

هېلو وي او ای
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG