لاس رسیدونکی لینک

تازه خبر

خېبر: د پولیسو د مرکز دننه د لاسي بم چاودنه کې دوه عسکر وژل شوي، ډي ایس پي ژوبل


د خېبر پښتونخوا د قبایلي ضلعې خېبر په شاه کس سیمه کې د پولیس د مرکز دننه د لاسي بم چاودنه کې دوه پولیس عسکر وژل شوي اؤ دوه لوړ پوړي پولیس افسران ژوبل شوی دی.

د سیمې نه امنیتي سرچینو وي او اې ډیوه ته ویلي دا چاودنه د زیارت په ماسخوتن د شاه کس د پولیسو د مرکز دننه هغه مهال شوې دغلته د معمول له مخې د امنیت څارنه روانه وه.

پولیس سرچینې وایي چاودنه د یو پولیس عسکر د خپل ګرینډ له امله په اتفاقیه ډول شوې ده اؤ د ترهګرۍ بڼه نه لري.

سرچینې وایي دې چاودنه کې دوه پولیس عسکر وژل شوي اؤ دوه افسران ژوبل شوی دی.

د پېښې نه وروسته ژوبل پولیس افسران روغتون ته رسول شوی اؤ هلته یې علاج روان دی.

تر دې وړاندې تېره میاشت د سوات په کبل سیمه کې هم د ترهګرۍ د مخنیوي د پولیسو په مرکز کې چاودنه شوې وه چې په کې کابو 20 کسان وژل شوي اؤ تر50ؤ زیات نور ژوبل شوي وؤ.

په وړومبي سر کې د ملک وزیراعظم شهباز شریف اؤ پولیس چارواکو د کبل چاودنه یو ځانمرګي برید بللی ؤ خو وروسته بیا پولیسو وویل چې چاودنه د ترهګرۍ د مخنیوي مرکز کې د پرتو بارودو اؤ وسلو د چاودیدو له امله شوې ده.

د سوات د پولیسو مرکز کې د شوې دغه چاودنې نه وروسته د خېبرپښتونخوا د پولیسو مشر اخترحیات خان ګنډاپور ویلي وؤ د پېښې د هر اړخېزه پلټنې به کولی شي چې څنګه په مال خانه موجود بارودي مواد اؤ وسلې چاودیدلې دي.

د خېبر د شاه کس د پولیسو په مرکز کې د رامنځته شوې دې تازه پېښې په اړوند لا پولیس چارواکو څه نه دي ویلي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG