لاس رسیدونکی لینک

تازه خبر

د امریکا انتظامیه: امریکایي عسکر او د هغې مېرمنې ته د یوې یتیمې افغانې نجلۍ د پاللو اجازت ورکول، د نړېوالو قوانینو خلاف ورزي بلل کیدی شي


جاشوا مسټ او مېرمنې یې یوه یتیمه افغانه نجلۍ د خپلې لور په توګه ساتلې ده
جاشوا مسټ او مېرمنې یې یوه یتیمه افغانه نجلۍ د خپلې لور په توګه ساتلې ده

د امریکا انتظامیي د ورجنیا ریاست یو جج ته خبرداری ورکړی چې که یو امریکایي عسکر ته د افغانستان د جګړې د یوې یتیمې ساتلو اجازت ورکړي، نو دا به "د نړېوالو قوانینو خلاف ورزي او په نړۍ کې د ماشومانو د نړېوالې اغواګرۍ حمایت" وګڼلی شي. دا خبره د اېسوشیټډ پرس خبري ادارې په خفیه عدالتی دستاوېزاتو کې لیدلې ده.

امریکا کې فډرل انتظامیه د ماشوم اخستو په قضیو کې اکثره مداخلت نه کوي، خو د افغانې یتیمې ماشومې قضیه د پخواني صدر ډانلډ ټرمپ، او بیا اوسني صدر جو بایډن انتظامیو پام ځان ته اړولی دی.

په عدالتی دستاوېزاتو کې د امریکې د عدلیې وزارت ویلي چې د دې افغانې ماشومې د ساتنې لانجه، د ورجینیا د یو ځایي عدالت له حده وتلي نتایج درلودلی شي.

د امریکا د عدلیې وزارت سرکاري وکیلانو عدالت ته په دستاوېزاتو کې ویلي چې که دا څلور کلنه یتیمه ماشومه خپلو رشته دارانو ته ونه سپارلی شي، دا به د افغان کډوالو د ځای پر ځای کولو چارې اغېزمنې کړي، د امن نړېوالې معاهدې به د خطرې سره مخ کړي، او ممکن د اسلامي تندلارو له اړخه د پروپګېنډه په توګه هم استعمال کړی شي.

د امریکا د مېرین یا سمندري پلیو ځواکونو غړی، مېجر جاشوا مسټ او مېرمنې یې د ۲۰۲۱ کال راهیسي دا یتیمه افغانه نجلۍ د خپل لور په حیث ساتلې ده او په دې باندې عدالتي لانجه روانه وه. اوس د امریکا د عدلیې وزارت د ورجنیا د یو جج په فیصلې باندې سخت تنقید کړی چې څنګه یې د مېجر جاشوا مسټ او د هغه د ښځې خبرې قبولې کړي دي.

د عدلیې وزارت په دستاوېزاتو کې لیکلي چې عدالت د یاد پوځي افسر "قصدي غلط بیانۍ" منلي او دا یې په پام کې نده نیولې چې په غیرقانوني توګه امریکا ته د ماشومانو د راوستلو مخه ونیولی شي.

د عدلیې وزارت سرکاري وکیلانو په عدالتي دستاوېزاتو کې، چې د خارجه وزارت او دفاع وزارت چارواکو هم ورباندې دستخط کړی دی، لیکلي دي: "مسټ (مېړه اوښځې) چې دې ماشومې، د هغې کورنۍ او امریکا ته څه ضرر رسولی دی، هغه دوامداره دی. تر ټولو ځوروونکې خبره دا ده چې دا ماشومه تر نن ورځې پورې هم د مسټ کورنۍ سره پاته ده."

د دې ماشومې مور او پلار په ۲۰۱۹ کال کې د امریکایي قواوو په یوه بمبارۍ کې وژل شوي و. جاشوا مسټ چې په افغانستان کې په لنډ مهاله مېشن تللی و، دا ماشومه د امریکایي پوځیانو په یو هسپتال کې ولیدله، او بیا یې عزم وکړو چې دا به د خپلې لور په حیث امریکا ته راولي.

د یتیمې نجلۍ رشته داران د هغې سره امریکا ته راغلل، خو مسټ او مېرمنې یې دا نجلۍ ورنه واخسته چې دوی به یې پالي. رشته دارانو یې عدالت کې شکایت وکړ، خو عدالت تر اوسه د جاشوا مسټ په حق کې دی او یتیمه نجلۍ لا د هغه او مېرمنې سره یې ژوند کوي.

د مسټ کورنۍ او د نجلۍ رشته دارن په دې اړه له میډیا سره خبرو کولو نه منعه کړی شوي دي. د دوی وکیلانو هم مطبوعاتو ته څه بیان نه دی ورکړی.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه: په ټیلیویژن
please wait

No media source currently available

0:00 1:59:58 0:00

Recommended

XS
SM
MD
LG