لاس رسیدونکی لینک

تازه خبر

د پاکستان نګران داخله وزیر دا ومنله چې امنیتي کارکنان د ډالر په سمګلېنګ کې لاس لري


داسې حال کې چې د پاکستان ریاست په ټول ملک کې بهر ته د ډالرو او نورو سامانونو د سمګلېنګ په ضد مبارزه جاري کړې ده، د حکومت یو جګپوړي وزیر دا منلې چې په دغه غیرقانوني کار، یعنې سمګلېنګ کې امنیتي ځواکونه هم لاس لري.

د پاکستان نګران حکومت تېره میاشت بهر ته د ډالرو د غیرقانوني انتقال د مخنیوي دپاره په ټول ملک کې عملیات شورو کړل، په دې هیله چې وکړی شي د کمزورې روپۍ ارزښت لوړ کړي.

د دې ترڅنګ، د امنیتي او د قانون د انفاذ ادارو په مرسته، چارواکي د غنمو او چینو د ذخیره اندوزۍ او بهر ته د سمګلېنګ، او له ایران نه د تیلو د خراب پیداوار د درامداتو په خلاف هم عملیات جاري کړي دي.

د پاکستان نګران داخله وزیر سرفراز بوګټي په یو خبري کنفرنس کې چې د دې عملیاتو د اثراتو او نتایجو په اړه یې معلومات ورکول، دا ومنله چې په سمګلېنګ کې امنیتي اهلکار هم لاس لري.

د وي او اې د خبریال یوې پوښتنې ته په ځواب کې، ښاغلي بوګټي وویل چې د کرنسۍ او نورو سامانونو په سملېنګ کې د امنیتي کارکنانو لاس درلودل "۱۰۰ فیصده رښتیا" ده.

نګران داخله وزیر وویل: "سمګلېنګ د اوښانو په شا نه دي شوي. د ټرکونو په ذریعه ترسره شوي دي. د پاکستان د پوځ مشر خپلو کسانو ته په واضحه ویلي چې نه یوازې به کورټ مارشل وي بلکې هغه کسان چې په دغو کارونو کې شامله دي، هغوی به جېل ته ولېږلی شي."

مګر ښاغلي بوګټي دا هم وویل چې د پوځي کسانو نه بازخواست، داسې یوه پروسه ده چې د عوامو د سترګو نه پټه ده.

د پاکستان پوځ، د دې ملک تر ټولو طاقتوره اداره ده. که څه هم د آینده کاله پورې چې عمومي انتخابات کیږي، پاکستان کې یو سېوېلین نګران حکومت په واک دی، د پوځ مشر جنرال عاصم منیر د ریاست په چارو کې، د پخوانیو پوځي مشرانو په څېر، ډېر اهم کردار لوبوي.

د پوځ مطبوعاتي ادارې په یو جاري کړي بیان کې ویلي، سرلښکر عاصم منیر په دې وروستیو کې د صوبايي حکومتونو له مشرانو سره په یو بریفېنګ کې وعده وکړه چې "د سمګلېنګ او نورو غیرقانوني چارو په ضد به عملیات جاري وي" څو پاکستان د هغو سنګینو نقصانونو نه خلاص کړي چې د غلا په وجه دې ملک باندې راوړی کیږي.

یاده دې وي چې د کرنسۍ او نورو موادو د سمګلېنګ په ضد پاکستان کې د ملک په کچه د شورو شوو عملیاتو په نتیجه کې، د روپۍ قدر بهتره شوې او ویل کیږي چې په سپټمبر میاشت کې د ډالرو په مقابله کې د پاکستانۍ روپۍ قدر څه باندې شپږ فیصده لوړ شو.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG