د امریکا پخوانۍ لومړۍ میرمن روزلین کارټر ته د نهۍ/ سه شنبې په ورځ په اټلانټا کې جوړې شوې یوې دستورې کې د عقیدت پيرزونې وړاندې شوې.
د پخواني امریکايي صدر جیمي کارټر مېرمن روزلین کارټر د نومبر په 19مه د 96 کلونو په عمر کې مړه شوې وه.
99 کلن جیمي کارټر چی په خپله هم د فبروري میاشتې راهیسې سخت ناروغه او د آخرې طبي څارنې(هسپېس کېر) لاندې دی، په دغه مراسمو کې د هغه په شمول د امریکا ټولو ژوندیو لومړۍ میرمنو او دریو صدرانو ګډون وکړو.
د امریکا صدر جو بایډن او د هغه میرمنې جېل بایډن، د امریکا مرستیالې صدرې کاملا هېریس او د هغې میړه ډګ ایمهوف، پخواني امریکایي صدر بل کلنټن او د هغه میرمن او پخوانۍ د بهرنیو چارو وزیرې هیلري کلنټن، د پخواني صدر بش میرمن لورا بش ، د پخواني صدر براک اوباما میرمن مېشېل اوباما او د پخواني امریکایي صدر ډونلډ ټرمپ میرمن میلانیا ټرمپ په دغه تقریب کې ګډون وکړو.
روزلین کارټر د سیاسي مدافعې لپاره مشهوره وه، او د امریکا پخوانۍ اولنۍ میرمن بېس ټرومین وروسته د امریکا دویمه ډیر عمر لپاره ژوندۍ لومړۍ میرمن وه، بېس ټرومین په 97 کلونو په عمر کې مړه شوې وه.
د میرمن روزلین کارټر د جنازې وروستي مراسم به د شورو/چهارشنبې په ورځ د امریکا جارجیا ایالت په پلنیز ښارګوټي کې ترسره کیږي.
یادونه:- د رپوټ ځینې معلومات د اې پي، ایف پي، او رویټرز نه اخیستل شوي دي.
Forum