رايټرز
د شورو، چهارشنبې په ورځ د سويلي کوريا په غربي ساحل کې د امريکا جنګي الوتکه اېف 16 په سمندر کې غورزېدلې او په سيمه کې د امريکا د هوايي ځواک د مرکز چارواکو ويلي هواباز يې ژوندی راويستل شوی چې د پرېوتونکي جهاز نه يې دانګلي وو. دا په کوريا کې د اېف 16 راپرېوتلو په يوه مياشت کې دويمه پېښه ده چې شوې ده.
دا فالکن اېف 16 الوتکه چې د اتم فايټر وېنګ برخه وه په هوا کې د مشق په دوران د بېړني حالت سره مخ شوې او د مرکز د بيان ترمخه په سمندر کې راپرېوتلې ده.
هواباز په محفوظه طريقه د الوتکې نه دانګلي چې نزدې يو ساعت وروستو بچ کړل شوی او د بيان ترمخه په هوش کې هسپتال ته د معاينې د پاره رسول شوی.
د اتم فايټر وېنګ کمانډر کرنل ميتيو ګايټکې د سويلي کوريا د امداد کونکو د امريکا سره په ګډه د هواباز په موندلو کې د مرستې مننه وکړه او ويې ويل اوس د دوی توجه د الوتکې په موندلو پسې ده.
د غربي ساحل ګنسن ښار په سويلي کوريا کې د امريکا د دوو غټو پوځي مرکزونو څخه يو دی. په ډېسمبر کې يوه بله اېف 16 الوتکه په سيمه کې د معمول په تربيتي مشقونو کې راپرېوتلې وه او هواباز يې بچ کړل شوی و.
Forum