لاس رسیدونکی لینک

تازه خبر

کوز دير: چاودنه کې يو ماشوم وژل شوی، څلور ژوبل


Lower Dir Police
Lower Dir Police

د خېبرپښتونخوا په کوز دير ضلعه کې د پنچګوړې سيند په غاړه د بارودي موادو چاودنه کې يو ماشوم وژل شوی او څلور تنه نور ژوبل شوي دي.

په کوز دير کې د ژغورنې ادارې (رېسکيو1122) ترمخه د تېمرګرې په شګو کس کې د پنچګوړې سيند په غاړه چاودنه شوې، يو ماشوم پکې وژل شوی او څلور ژوبل شوي، نور ژوبل چې عمرونه یې د 19کالو نه کم دي، د تېمرګرې او پېښور روغتونونو ته منتقل کړی شوي دي.

د کوز دير پوليس په خپله فېس بک پاڼه د پېښې تاييد کړی دی.

د پوليسو په وینا د سيند په غاړه پخواني چاودېدونکي مواد چاودلي، او پوليسو هم پېښه کې د يو ماشوم د وژل کېدو او څلورو ژوبلېدو خبر ورکړی دی.

ويل شوي، د ضلعې د پوليسو مشر (ډي پي او) ضياالدين احمد د پېښې موقعې ته ورغلی په سمدستي توګه یې د پېښې د مقدمې درج کولو ويلي دي.

د خېبرپښتونخوا په بېلابيلو سيمو او ځانګړي ډول جنوبي او شمالي وزيرستان کې دغه ډول د ماين چاودنو پېښې کيږي.

د جنورۍ په میاشت کې د شمالي وزیرستان په میرعلي علاقه کې يوه چاودنه کې درې کم عمره ماشومان وژل شوي وو.
له دغې وړاندې د تېر کال ستمبر په میاشت کې پرله پسې دوه ورځې دوه پېښې شوې وې، په شوال سيمه کې په يوه ماين چاودنه کې دوه کسان وژل شوي او د 25 پورې نور ژوبل شوي وو.

له دغې يوه ورځ وړاندې د شمالي وزيرستان په ګړيوم تحصيل کې په يو کور مارټر ګوله غورځېدلې وه، څلور ماشومان او مور يې پکې وژل شوي وو.

ځایي خلک وایي په علاقه کې د پوځي عملیاتو وروسته په ځمکه کې خواره ماينونه پاتې شوي چې د عامو خلکو ترڅنګ پکې په څاروو چاودنې کیږي او ګڼې مرګ ژوبلې یې اړولي دي.

د دغو ماينونو ضد وخت په وخت احتجاجونه هم شوي او د پاکستان پوځ ویلي، د ماينونو د پاکولو کار دوام لري.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG