لاس رسیدونکی لینک

تازه خبر

علي امين ګنډاپور: له وزيراعظم شهباز شریف سره یې مثبتې خبرې شوي


د خېبرپښتونخوا وزيراعلا علي امين ګنډاپور له وزيراعظم شهباز شريف سره ليدلي او ويلي يې دي، له وزيراعظم سره یې د (خېبرپښتونخوا) صوبې په ‏مسلو او امنیت د مسلو په سر خبرې شوي دي.‏

د شهباز شريف سره ليدو وروسته علي امين ګنډاپور د مسلم ليګ ن د مشرانو احسن اقبال او اميرمقام سره په ګډه خبرو کې وويل، "حکومتونه جوړ شوي ‏اوس زمونږ مقصد د ولس، صوبې او امنيت مسلې دي او په هغې خبرې وشوې، ډېرې مثبت خبرې وشوې، هغه (وزيراعظم) راته د پوره ملاتړ باور راکړی او ‏د مرکز په زمه چې زمونږ کومې پېسې (واجبات) دي د هغې په حواله وزیراعظم وويل، چې هغه زمونږ صوبې حق دی".‏

ورسره نوموړي وویل، "مونږ هم خبر يو چې د پاکستان معاشي حالات هغه شان نه دي نو مونږ به هم کومه داسې غوښتنه نه کوو چې هغه ممکنه نه وي دلته، ‏مونږ به یې هم وخت په وخت د قسطونو په صورت کې اخلو چې ممکنه وي، چې په شريکه کار وکړو".‏

هغه زياته کړه، "مونږ له ولس مېنډېټ راکړی دی مونږ به ورله کار کوو، زمونږ صوبې د وړاندې د ملک دپاره خپل وسايل په کار راوستي دي اوس به یې هم ‏کوو".‏

علي امين ګنډاپور وویل، "زمونږ صوبې د بجلۍ، ګېس او تيلو په مد کې د وړاندې حصه اچولې او نوره به هم اچوي او وزيراعظم راسره وعده کړې چې ‏رښتيا خبره به ورسره کوي".‏

احسن اقبال وويل، د علي امين ګنډاپور د وزيراعظم سره د ليدنې هرکلی کوي او وزيراعظم هم دغه خبرې وکړې کومې چې وزيراعلا وويل.‏

هغه وويل، "وزیراعظم باور ورکړو چې د خېبرپښتونخوا صوبې څومره واجبات دي مرکز به هغه ورکوي او د هغې دپاره د آی اېم اېف (نړيوالې مالياتي ‏ادارې) سره د خبرو وروسته په ‏‎19‎م مارچ د خزانې وزارت افسران پابند کړل شوي دي، چې د خېبرپښتونخوا د اړونده چارواکو سره کښېني او د ‏خېبرپښتونخوا د واجباتو معاملات ورسره هوار کړي".‏

هغه زياته کړه، وزيراعلا د روژه ماتي او پيشمني په وخت د بجلۍ د لوډشيډنګ خبره را اوچته کړه او وزيراعظم اړونده وزارت ته لارښوونه وکړه چې په دغو ‏وختونو کې چاته مشکلات جوړول پکار نه دي.‏

هغه وویل، "وزيراعظم وویل چې د خېبرپښتونخوا او مرکزي حکومت يو مستقل ټيم دې جوړ کړل شي کوم چې د صوبې په معاملاتو د مرکز سره په ګډه کار ‏کوي"، احسن اقبال زياته کړه، وزيراعلا په ليدنه کې د هغو بندي کسانو خبره هم وکړه چې د چا پرضد کوم شواهد نه وي او هغو ته انصاف ترلاسه کېدل ‏پکار دي".‏

د احسن اقبال په خبره، "مرکزي حکومت به د امن او خېبرپښتونخوا د پرمختګ دپاره هر هغه کار کوي کوم چې د کومې بلې صوبې دپاره کوي".‏

او علي امين ګنډاپور بيا وويل، د وزيراعظم سره یې د عمران خان په حواله هم خبرې شوي چې د عمران خان په اړه سياسي خبرې اترې او رابطې ضروري ‏دي، چې سياسي رابطې وي سياسي مسلې به هواريږي، نو وزيراعظم په هغې مثبت وو او زر به زما د هغه (عمران خان) سره ملاقات وکړي.‏

د اتمې فرورۍ د انتخاباتو وروسته په مرکز کې د مسلم ليګ ن ګوند او اتحاديانو حکومت جوړ شوی او په خېبرپښتونخوا کې د تحريک انصاف حکومت ‏جوړ شوی دی.‏

مسلم ليګ ن او تحریک انصاف ګوند د يو بل سخت سياسي مخالفين پاتې شوي او په يو بل سختې نيوکې کوي.‏

Forum

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG