لاس رسیدونکی لینک

تازه خبر

کابل: طالبانو د دوو امریکايانو په ګډون د بهرنيانو نيول تاييد کړي


Afghanistan Taliban
Afghanistan Taliban

په افغانستان کې واکمنو طالبانو د قانون د سرغړونو په تور د دوو امریکايانو په ګډون د څو بهرنیانو نيول تاييد کړي دي.‏

د طالبانو د حکومت وياند ذبیح الله مجاهد د طالبانو د کنټرول لاندې ملي رېډيو ټيلي ويژن (آر ټي اې) سره په خبرو کې ویلي، د امریکايانو په نيولو یې ‏امریکا خبر کړې ده، خو نوموړي د نورو بهرنيانو په اړه تفصیل نه دی ویلی.‏

امریکايي چارواکو او کورنۍ یې په نيول شوو امریکايانو کې د يو پېژندګلو د راين کوربټ په نوم کړې او د بل په اړه یې څه نه دي ویلي.‏

هغه ويلي، "څو کسان چې د افغانستان کې په بند کې دي په دوی کې دوه امریکايان هم دي دوی د افغانسان د قوانينو د سرغړونې په سر بندي کړل شوي ‏دي. افغانستان ته د داخلېدو دپاره د ويزو اخستو وروسته، معنا دا چې دوی د افغانستان قانون او قاعدې ومنلې دوی به پرې عمل کوي او سرغړونه به یې ‏نه کوي‎ ‎‏".‏

دا لومړی ځل دی چې طالبانو د امریکايانو نيول په عامه توګه رسمي منلي دي چې يو پکې کوربټ هم دی. هغه د کال ‏‎2022‎م د اګست په میاشت کې نیول ‏شوی وو.‏

د کوربټ کورنۍ وروسته د امریکايي صدر جوبايډن په انتظاميه غږ کړی چې د هغه په خوندي توګه خوشي کولو دپاره اقدامات وکړي.‏

د سي اېن اېن د رپورټ ترمخه، کوربټ د نیولو وروسته، تيره اوونۍ په پينځم ځل د خپلې ښځې انا او درېو بچو سره خبرې کړې وې.‏

انا د زيارت/ پنجشنبې په ورځ امریکايي رسنۍ ته ویلي، "دا يو اندېښمن ټيليفون وو، دا اورېدل ګران وو چې راين هيله د لاسه ورکوي. د هغه قابو ‏‎600‎‏ ‏ورځې پوره کیږي چې نيول شوي اود هغه په اړه یې په فکر کې بدلون راغلی".‏

هغې زياته کړې، "د کاربېټ صحت په خرابېدو دی او هغه د ذهني صحت هم خرابیږي دا یې د ماشومانو او زما دپاره د ويرې خبره ده".‏

د امریکې د بهرنيو چارو وزارت د زيارت په ورځ ویلي، امریکا د خپلو هغو ټولو وګړو په خوشي کولو کار کوي څوک چې په بهر هيوادونو کې په غلطه ‏طريقه نيول شوي دي.‏

ميتهيو ميلر خبريالانو سره په خبرو کې ویلي، "دا هغه تکليف تصور نه شي کولی، چې کورنۍ یې د کوم درد څخه تیريږي او هغه غم چې دوی ځوروي دا د ‏دوی دپاره سخت مشکل وخت دی".‏
هغه ويلي، امریکايي چارواکي د طالب استازو سره ليدنې کوي او په دوامداره توګه پرې فشار اچوي چې ټول امريکايان بنديان بې د کوم شرطه سمدستي ‏خوشي کړي.‏

د ميلر په خبره، "مونږ طالبانو ته په څرګند ډول ویلي چې داسې بندي کول په مثبت پرمختګ کې خنډ جوړوي، مونږ به دا جاري ساتو، مونږ هره ممکنه لاره ‏کارو او هڅه کوو چې په غلطه طريقه په افغانستان کې نیول شوي امريکايان خپل کور ته راولو".‏

کوربټ او کورنۍ یې په افغانستان کې د کال ‏‎2021‎م په اګست کې د طالبانو په واک کې د راتلو پس د وتلو نه وړاندې د کلونو راهسې اوسېدل، او په ‏افغانستان کې به یې د روغتيا او صحت دپاره غېر دولتي بشري پروژې چلولې.‏

د کوربټ کورنۍ ويلي، هغه په ‏‎2022‎م کې دوه ځله افغانستان ته تللی او په دویم ځل سفر کې طالبانو نيولی خو په هغه کوم جرم نه دی لګول شوی.‏
د امریکا د استازو د اېوان د بهرنيو چارو د کمېټۍ مشر مايکل ميککول په ‏‎27‎م مارچ يو بيان کې ویلي، "د بايډن ادارې د راين د خوشي کولو دپاره لږ کار ‏کړی دی په داسې کې چې د هغه د صحت د خرابېدو په اړه پرله پسې رپورټونو مخې ته راځي".‏

Forum

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG