د هند ټاکنو کې بي جی پي له اکثریت لرې ده خو مودي د بریالیتوب دعوه کړې

د هند وزیراعظم نریندرا مودي د نهې یا سه شنبې په ورځ د هند په عامو ټاکنو کې د خپل سیاسي ایتلاف د ګټې دعوه کړې ده خو مطبوعاتي رپورټونه وایي چې مودي اؤ دهغه سیاسي ایتلاف ته دې ټاکنو کې اپوزیشن کلکه منډه ورکړې ده.

کانګریس ګوند د انتخاباتو نتیجې د وزیراعظم مودي د اخلاقي شکست په مانا بللې دي.

نریندر مودي د خپل ګوند په مرکزي دفتر کې راټولو شوؤ ګوندي مشرانو ته ویلي چې د هغه" ملي جمهوري ایتلاف" به پرله پسې په دریم ځل حکومت جوړوي.

هغه ویلي د هند رایه ورکوونکو د هغه په ګوند اؤ واکمن ایتلاف دواړو باندې "ډیر زیات باور" ښکاره کړی دی.

نوموړي ویلي د نن بریالیتوب د نړۍ د تر ټولو ستر جمهوریت ګټه ده.

خو د کانګریس صدر ملک ارجن کهرګی اؤ ددغه ګوند مشر راهول ګاندې د کانګریس په مرکزي دفتر کې یو مطبوعاتي کانفرنس ته ویلي چې د ایتلافي ګوندونو سره به غونډه کوي اؤ دې غونډه کې به د "تېلګو دیسم ګوند" اؤ "جنتا دل یونایټیډ" د ملاتړ ترلاسه کولو لپاره مشورې کولی شي .

په اوسنیو ترسره شوؤ انتخاباتو کې دا دواړه یاد ګوندونه د حکومت جوړولو په لړ کې د زیات ارزښت لرونکو ګوندونو په توګه مخې ته راغلي دي.

ټي ډي پي 15 او جي ډی یو 12 څوکۍ ګټلي خو دې دواړو ګوندونو تر اوسه حکومت کې د ګډون په حواله خپله هیڅ اراده نه ده ښودلې.

د انډیا اتحاد اؤ این ډي ای اتحاد تر منځ د 60 څوکیو فرق موجود دی، اټکل شوی چې دې انتخاباتو کې به این ډی ای 292 اؤ انډیا ایتلاف 232 څوکۍ ترلاسه کړي.

د وي او ای د رپورټ تر مخه تازه ترلاسه شوې شمیرې ښیي چې بي جی پي دې ټاکنو کې 240 څوکۍ ترلاسه کولی شي اؤ په داسې صورت کې به دواړه سیاسي ایتلافونه د حکومت جوړولو لپاره د نورو سیاسي ګوندونو ملاتړ ترلاسه کولو ته اړتیا ولري.

کله چې د راهول ګاندهي څخه وپوښتل شول چې ایا انډیا اتحاد به په اپوزیشن کې کښیني ؟ نو هغه وویل مونږ خپلو ملګرو ته درناوی لرو ، هغوي سره به خبرو کې په دې اړه مشوره کوو خو راهول ګاندهي اؤ کهړګي دواړو وویل چې د انتخاباتو نتیجې د وزیراعظم نریندر مودي اخلاقي شکست دی.

د وي او ای رپورټ وایي چې د هند واکمن ګوند بي جی پي د حکومت سازۍ لپاره د اړین اکثریت نه لرې خو امکان لري چې واکمن ایتلاف نیشنل ډیمو کریټک الاینس اکثریت ترلاسه کړي.

په تېرو دوؤ ټاکنو کې د ګانګریس اؤ سماجوادي ګوند ګارکردګي غوره نه وه خو دا ځل امید شته چې هغوي له مخکې په پرتله زیاتې څوکۍ وګټي.

په هند کې د ترسره شوؤ انتخاباتو نه وروسته لا د رایو شمیرنه روانه ده خو د رجحاناتو په اساس ورسره د حکومت جوړونې ګنګوسې هم کیږي.

تازه شمېرې ښي چې این ډي ای په دې انتخاباتو کې 295 اؤ انډیا اتحاد 235 څوکۍ ګټلی شي خو د حکومت جوړولو لپاره بیا 272 څوکیو ته اړتیا ده.

هند کې د 19م اپریل نه د جون تر لمړۍ نیټې بیلابیلو ریاستونو کې د لوک سبها د 543 څوکیو لپاره خلکو خپلې رائ ورکړې وې.

دې انتخاباتو کې نزدې یو ارب خلکو د رای ورکولو وړتیا لرله خو د دغو رایه ورکوونکو له جملې څخه 66 کسانو خپلې رایې کارولې دي.