لاس رسیدونکی لینک

تازه خبر

د نېب بدلونو قضيې اورېدنه بشپړه شوې او فېصله محفوظه کړل شوې ده


د پاکستان د سپريم کورټ د مشر قاضي په مشرۍ د پينځه ججانو د نېب بدلونونو قضيې اورېدنه بشپړه کړې او فېصله یې محفوظه کړې ده، د پاکستان ‏تحریک انصاف ګوند مشر او پخواني وزيراعظم عمران د جېل څخه د ويډيو لنک د لارې خپل دلايل وړاندې کړي دي.‏

عمران خان ويلي، چې کله حکومت او اپوزيشن د نېب (احتساب ادارې) د مشر په ټاکنه وران شي نو درېم امپاير يې ټاکي، زه وېم چې سپريم کورټ دې دغه ‏ټاکنه کوي ځکه چې د درېم امپاير لخوا ټاکل شوی د نېب چيرمېن بيا د هغه ماتحته وي زمونږ په دور کې نېب زمونږ په لاس کې نه وو.‏

د سپريم کورټ جج ريمارکس ورکړي چې غېر منتخب کسان د نېب د قانون نه بهر ساتل امتیازي سلوک دی او قانون پوهه وکيل فاروق اېچ نايک بيا ويلي، ‏د جسټس منصور علي شاه د نوټ ملاتړ کوي.‏

عدالتي معاون وکيل خواجه حارث په خپلو دلايلو کې ویلي په مرکزي قضيه کې د بنيادي حقونو د سرغړونې تفصيل يې ويلی د نېب بدلونونه د ‏‎9,14,25‎‏ او ‏‎24‎‏ مادو سرغړونه ده.‏

چيف جسټس د عمران خان د وکیل خواجه حارث نه پوښتنه کړې، تاسو سياسي احتساب غواړئ؟ تاسو غواړئ چې وړاندې کوم قانون وو هغه شان دې وي.‏

خواجه حارث ويلي، د نېب بدلونونه مخصوصو کسانو ته د ګټې رسولو دپاره وو ځکه هغه وخت مخصوص کسان په جېلونو کې وو.‏

چيف جسټس ویلي هغه ګوند چې په سپريم کورټ کې یې قانون چېلنج کړی وو په هايکورټ کې یې هم چېلنج کړی وو، شعېب شاهي چېلنج کړی وو، که د ‏نېب بدلونونه دومره خطرناک وو معطل کړي به یې وو.‏

جسټس اطهر من الله ويلي د پارلیمنټ قانون نه شي معطل کېدی، د پارلیمنټ سپکاوی دی.‏

په اورېدنه کې د نوموړي جج او خواجه حارث بحث هم شوی دی.‏

او چيف جسټس د خواجه حارث نه پوښتنه کړې چې تاسو دومره ايماندار وئ نو په خپل حکومت کې مو استثنا ولې ورکوله، د برتانيې مثال ورکوئ خو ‏هلته استثنا نه ورکول کيږي، ممکنه ده ستا موکل ته د نېب د بدلونونو څخه ګټه وي.‏

جسټس اطهر من الله ویلي، د ايين څخه به ويل وي چې د بدلونو نه حقونه څنګه متاثره شوي دي؟.‏

او جسټس جمال مندوخېل ويلي، چې سپريم کورټ د عدالتي فېصلې د لارې د پارليمنټ په قانون کې بدلون کړی دی، يو سړی راغلو ايين يې وچقولو او د ‏نېب قانون یې جوړ کړو .‏

خواجه حارث بيا خپل دلايل پوره کړي او د دمې وروسته عمران خان خپل دلايل وړاندې کړي دي.‏

عمران خان په خپلو دلايلو کې ويلي، د نېب بدلونونو قضيه کې د حکومتي خواستونو مخالفت کوي، چيف جسټس ورته ویلي د قضيې تر حده پاتې شه.‏

هغه د جسټس اطهرمن الله حواله ورکړې چې هغه ويلي که د نېب بدلونونه وشو زما تاوان به وشي، ماته د ‏‎14‎‏ کالو بند سزا راکړل شوې چې د توشه خانې د ‏ډالۍ قيمت مې کم لګولی، د پاو کم دوه کروړه روپو زما د ګړۍ/ ساعت قيمت درې اربه روپۍ ښودل شوی دی.‏

هغه ویلي زه وايم چې د نېب چيرمېن دې سپريم کورټ لګوي ځکه د درېم امپاير لګولی چيرمېن بيا د هغه ماتحت وي.‏

عمران خان ويلي، په برتانيه کې جمهوري نظام د اخلاقياتو، قانون د سرلوړۍ او احتساب باندې وي.‏

جسټس جمال مندوخېل ويلي، تاسو څه ويل غواړئ چې پارلیمنټ بدلون کولی شي که نه؟ عمران خان ويلي د فارم ‏‎47‎‏ والا یې نه شي کولی، او بيا ورته ‏جسټس مندوخېل ويلي بيا هغه اړخ ته ځې کومې قضيې چې د اورېدنې لاندې دي.‏

جسټس اطهر من الله ویلي، د نېب په اړه ستاسو د بيان وروسته څه پاتې شوي دي، په نېب به دې اعتبار وي؟ عمران خان ويلي په پينځه ورځو کې چې راسره ‏نېب څه کړي د هغې وروسته به څه اعتبار وي.‏

نوموړي جج عمران خان ته د الېکشن کمېشن تعنيات کول ور ياد کړي دي.‏

عمران خان ويلي، زه په جېل کې يم د نېب د بدلونو سره به په ما اساني راشي خو ملک به ديواليه شي، په دوبۍ ليکس کې هم نومونه راغلي، پېسه د ملک ‏نه بهر ځي، غريب خلک د بهر نه پېسې راليږي او شتمن یې بهر ليږي، د ملک اقتصادي حالت انتهايي خراب شوی دی غټ علت یې د پېسو غېر قانونه ‏لېږل رالېږل (مني لانډرنګ) دی.‏

جسټس جمال مندوخېل عمران خان ته ويلي، ستا خبرې مې ويروي چې حالات دومره خراب دي نو سياستوال دې په خپل مينځ کې کښېني حل دې کړي، ‏چې اور لګېدلی وي خلک اوبه نه ګوري چې پاکې دي که خچنې اول اور مړ کوي. ‏

او عمران خان ویلي په هند کې کېجريوال ازاد کړل شو سزا یې معطله کړل شوه او په انتخاباتو کې یې برخه واخسته خو ماته په پينځه ورځو کې سزا راکړل ‏شوه او د انتخاباتو څخه بهر کړل شوم

جسټس جمال مندوخېل ترې پوښتنه کړې، سیاسي نظام چا جوړ کړی؟.‏

او جسټس اطهر من الله ویلي د بده مرغه تاسو په جېل کې یئ، خلک درنه امېدونه لري، عمران خان ويلي که د زړه نه اووايم ټول خلک تاسو پله ګوري، په ‏پاکستان کې غېر اعلاني مارشل لا ده، او بیا جسټس مندوخېل ويلي که څه هم کيږي مونږ به ګيله ستاسو نه کوو، مونږ تاسو پله او تاسو مونږ پله ګورئ.‏

عمران خان د سايفر په حواله خبره کړې خو چيف جسټس ودرولی چې د اورېدنې لاندې قضيه باندې خبره نه کوي.‏

جسټس اطهر من الله ترې پوښتنه کړې په پارليمنټ کې مو د نېب د قانوني مسودې مخالفت ولې نه کوو؟ عمران خان ويلي داسې حالات جوړ شوي وو شرح ‏نمو په ‏‎6.2‎‏ وه حکومت د سازش لاندې وغورځول شوی پارلیمنټ کې مو سازشي حکومت ته جواب نه شو ورکولی.‏

چيف جسټس بيا عمران خان ته ويلي، دوه خبرې کوې يو اړخ ته د احتساب او بل اړخ ته استثنا ورکوې، په پارليمنټ کې په ناسته مسلې حل کړئ ملک په ‏وړاندې تګ ته ضرورت لري.‏

د اورېدنې په حکمنامه کې چيف جسټس ليکلي که کوم فريق په اووه ورځو کې ليکلی جواب جمع کول غواړي نو کولی شي چې داخل یې کړي.‏

Forum

ځانګړې ویډیوګانې

د هندوستان کرکټ ټیم د مینه والو څو خبرې
please wait

No media source currently available

0:00 0:00:44 0:00

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG