لاس رسیدونکی لینک

تازه خبر

کراچۍ: پولیس وایي د ټي ټي پي "مهم ترهګر" یې وژلی


پولیس وایي د پاکستان په ستر اقتصادي ښار کراچۍ کې یې د صادق عرف قاري په نوم د تحریک طالبان پاکستان یو "مهم ترهګر" وژلی دی.

د پولیسو وینا ده چې د یاد "ترهګر" د نیولو لپاره تېره ورځ پولیسو اؤ د حساسو ادارو غړو په ګډه د کراچۍ په سعید اباد سیمه کې عملیات کړي اؤ په دغه موقعه نښته کې صادق په د قاري اؤ افغاني په نومونو هم مشهور ؤ، وژل شوی دی.

ډان ورځپاڼې پخپل رپورټ کې د پولیسو له خولې ویلي چې وژل شوی ترهګر په کراچۍ کې د ټي ټي پي یو مهم غړی ؤ اؤ هغه به د تحریک طالبان لیکو ته د زلمو ننویستلو دپاره د هغوي ذهنونه جوړول.

پولیسو ویلي چې د وژل شوي ترهګر شبکه کراچۍ کې د تاجرانو په تښتونه اؤ هغوي نه قلنګونو اخستو کې ککړه ده.

پولیسو ویلي وژل شوي ترهګر صادق په ۱۲م دسمبر کال ۲۰۲۳م کې د کراچۍ څخه د حارث الرحمان په نوم یو تجار تښتولی ؤ اؤ بیا یې د هغه پلار ته د افغانستان له نمبر زنګ وهلی ؤ اؤ لس کروړه روپۍ تاوان یې ترې غوښتی ؤ.

پولیسو دعوه کړې چې هغه د پینځوؤ نورو بېګناه وګړو په وژنه کې هم ککړ ؤ.

تر دې وړاندې هم بیلابیلو وختونو کې پولیسو اؤ قانون پځای کوونکو ادارو کراچۍ کې د پولیس مقابلو په ترڅ کې د ترهګرو د وژنې دعوې کړي خو زیاتره وخت بیا دغه دعوې دروغ هم ثابت شوي اؤ په پولیسو د خپلسره وژنو په جرم کې مقدمې هم درج شوې دي.

کال ۲۰۱۸م کې په ۱۳مه جنورۍ پولیسو د کراچۍ په شاه لطیف ټاون سیمه کې د نقیب مسید په نوم یو پښتون اؤ د هغه سره درې نور کسان په يوه پوليس مقابله کې وژلي وو، د هغه وخت د کراچۍ د ملير ضلعې د پوليسو مشر راو انوار دعوه کړې وه چې په مقابله کې يې ترهګر وژلي دي.

خو وروسته د پوليسو د لوړو پوړو افسرانو ګډې پلټنيزې کمېټۍ دغه مقابلې ته جعلي ويلي وو اؤ په راو انور اؤ نورو پولیس افسرانو ددغو وژنو په تور مقدمې هم درج شوې وې

Forum

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG