واشنګټن – امنیتي ادارو ویلي، په یوې تجارتي کښتۍ باندې په سره بحیره کې هغه ځای برید شوی په کوم کې چې د یمن هوثي یاغیان د تېر کال له وروستیو راهیسې په کښتیو باندې بریدونه کوي.
د برتانیې سمندري تجارتي عملیاتو د شورو یا چهارشنبې په ورځ وویل، چې دوی ته راپور رسېدلی چې په کښتۍ باندې د شا له لوري د یوې "وړۍ کښتۍ" له لیارې برید شوی چې له پنځو څخه تر اوه مترو اوږدوالی یې درلود.
د امبرې په نامه امنیتي کمپنۍ ویلي، برید د یمن د بندري ښار هدیدې څخه ۱۲۵ کیلومټره جنوب لویدیځ ته شوی.
د ویجاړي او د مرګ ژوبلې په اړه څه نه دي ویل شوي.
هوثیانو ویلي، په سره بحیره او د عدن په خلیج کې د دوی بریدونه په غزه کې د حماس او اسرایلو د روانې جګړې په بهیر کې له فلسطینیانو سره په همدردۍ او پیوستون ترسره کېږي.
دغو بریدونو د تجارتي کښتیو شرکتونه مجبوره کړي چې له دغه ځایه خپله لاره واړوي او د افریقا د براعظم چاپیره یوه اوږده او قیمتي لاره وکاروي.
د دې راپور ځینې برخې د فرانس پریس او رویټرز خبري ادارو څخه اخېستل شوي.
Forum