لاس رسیدونکی لینک

تازه خبر

د سويټزرلېنډ ناسته: د اوکراین علاقايي سالمیت، د سولې دپاره پېشکي شرط دی


د نړۍ اته اویا (۷۸) هیوادونو اوکراین ته د سولې د راتګ لپاره، په سویټزرلېنډ کې دوه ورځنۍ غونډه کې برخه واخسته. دوی په یو لاسلیک شوي دستاوېز کې ویلي د روس سره د سولې لپاره کیدونکې لوظنامې لپاره اساس دې علاقايي سالمیت وي او دا چې کيف دې د جګړې ختمون لپاره د ماسکو سره خبرو ته کښني.

سل وفدونه چې په کې اکثریت د غربي هیوادونو څخه وو، د سوېټزرلېنډ په برګند سټاک ریسورټ کې شوې غونډه کې برخه واخسته. دا د سولې اړخ ته لمړۍ ګام دی.

د هند، سعودي عرب او عرب اماراتو وفدونه هم په دغو کې شامل وو، خو دوی اخیري دستاویز لاسلیک نه کړو، کوم کې چې د جوهري وسلو محفوظول، د خوراک تحفظ او جنګي قیدیانو د تبادلې خبره وه.

د اروپايي کمېشن رئیسي اورسولا فون ډېرلېن د اتوار په ورځ خبرداری ورکړو چې که څه هم په غونډه کې اوکراین سولې ته یو ګام نزدې شوی، خو ریښتېنې سوله په یوه ګام سره نه راځي.

د اروپايي کمېشن مشرې زیاته کړه، «زمونږ ملاتړ او د سولې په نوم دې غونډې رېښتينې سوله رانزدې کړې. مقصد صرف یو جامع او دایمي سوله ده. دا به بالاخره یرغل او د اوکراین د خلکو ځپل کیده ختم کړي. دا به د اوکراین د خپلواکۍ او علاقايي سالمیت بیا پخلی اوکړي. دا به د نړیوال قانون او د ملګرو ملتونو د منشور اهمیت بحاله کړي. رېښتني سوله صبر او کلکې ژمنې ته اړتیا لري.»

د اوکراین صدر ولودیمیر زېلنسکي وویل، سولې ته د روس آماده کولو لپاره دوه لارې دي. «لمرۍ د خبرو لار ده، دویمه مظبوطه دفاع او د طاقتور پوځ لاره ده.»

زېلنسکي زیاته کړه: «مونږ په جګړه کې ښکیل یو، مونږ سره د کار اوږدولو لپاره وخت نشته. سولې ته د تګ مطلب زرترزره عمل کول دي. تیارۍ میاشتې اخلي، کلونه نه اخلي. نو که د سولې د پاره عملي پلان تیار وي او په هر ګام لپاره کار شوی وي، نو د سولې لپاره کیدونکې دویمې غونډې او جګړې ختمون لپاره به لار خلاصیږي. د انصاف او دایمي سولې لپاره.»

صدر زېلنسکي دا اونه ویل چې د جګړې ختمولو لپاره د روس د صدر ولاډیمیر پوټین سره نیغ په نیغه خبرو له تیار دی او که نه. یاده دې وي چې وړاندې نوموړي د نیغ په نیغه ناستې نه انکار کړی وو.

روس دې غونډې ته نه وو رابلل شوی، نو دواړه مهم ایتلافیانو روس او چین دې غونډه کې برخه وانخسته.

د اتوار په ورځ کرملېن وویل، اوکراین به د صدر پوټین غوښتنې مني چې ناټو کې به نه شاملیږي او د څلور هغه ضلعو نه به لاس اخلي کومې چې دې وخت روس قبضه کړي دي.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 2:59:59 0:00

Recommended

XS
SM
MD
LG