شهباز شريف وايي، "وخت رارسېدلی چې ترهګري ختمه کړل شي"

د پاکستان وزيراعظم شهباز شريف وايي، "وخت رارسېدلی چې ترهګري ختمه کړل شي، د دې دپاره چې کومې قربانۍ ورکړل شوي او ورکول کيږي هغه به بې ځايه نه شي، د پاکستان حکومت پوځ ته ويلي چې هر ډول وسايل يې پکار وي هغه به ورته د ټولو نورو اخراجاتو په کمولو سره ورکولی شي او هيڅ کمی به پکې نه پرېښودل کيږي".

شهباز شريف نن په 27م اګست د کابينې غونډې ته په وينا کې بلوچستان صوبه کې د پرونو پېښو او خېبرپښتونخوا کې په وروستيو ورځو کې د ترهګرۍ د پېښو په اړه څرګندونې وکړې.

بلوچستان صوبه کې د 25م او 26م اګست په منځنۍ شپه کې په بېلابيلو وسله والو بريدونو کې د 14 پوځيانو او امنيتي اهلکارو په ګډون د 50 نه زيات کسان وژل شوي، او پوځ د 21 ترهګرو وژلو دعوه کړې ده.

شهباز شريف وويل، په تېرو څو ورځو کې د ترهګرۍغټې پېښې شوي او په ګڼ بې ګناه پاکستانيان پکې وژل شوي، او تراوسه پورې چې کوم اطلاعات دي، د 50 نه پاکستانيان وژل شوي او د هغو سره د پوځ او قانون نافذونکو ادارو غړي هم وژل شوي دي.

شهباز شریف د کابينې غونډې ته په وينا کې وويل، "د تېرو څو مياشتو راهسې د خېبرپښتونخوا جنوبي سيمو کې ترهګرو بې ګناه پاکستانيان وژلي دي، دا خبره اوس پټه نه ده چې د تحریک طالبان پاکستان ترهګر یې کوي او د افغانستان نه فعاليتونه کوي".

پاکستان د اوږدې مودې نه تور لګوي چې د کله نه په افغانستان کې طالبان په واک کې راغلي، په پاکستان کې ناامني او ترهګري سېوا شوې ده، خو په افغانستان کې واکمنه طالبانو د پاکستان دغه تورونه تل رد کړي دي.

شهباز شریف وويل، "بلوچستان کې چې پرون د ترهګرۍ کومې تازه پېښې شوي د هغې چې څومره غندنه وشي، هغه کمه ده، بې ګناه خلک وژل شوي، او د ترهګرو غلط فهمي ده او دوی ناپاکه ارادې لري، غواړي چې پاکستان کې د پرمختيا لاره او د چين پاکستان اقتصادي راهدارۍ، سي پېک مخه ونيسي او د چين سره د پاکستان اړيکې خرابې کړي".

هغه زياته کړه "بلوچستان کې چې دا وخت ترهګر کومې کارروايانې کوي پاکستان کې دننه بې ثباتي جوړول غواړي، د هغو دا ارادې به ناکامه کيږي. خو شرط به دا وي چې مونږ خپل دښمني وپېژنو او پرضد یې يو شو".

بلوچستان کې د پرونو زياترو بريدونو زمه واري لاقانونه ګرځول شوې بلوڅ لبرېشن ارمي، بي اېل اې منلې ده.

د پاکستان وزيراعظم وويل، "هغه خلک چې د پاکستان ايين مني د هغو سره هر وخت خبرې کېدی شي خو د دوست نما دشمن سره هیڅ خبرې نه شي کېدی او دا ښکاره پيغام دی".

شهباز شریف وويل، "د ترهګرو دپاره هیڅ ځای نشته که هر څه کيږي دوی به د ملک څخه ختمولی شي". هغه زياته کړه زر به د بلوچستان سفر وکړي، جامعه خبرې کوي او بيا به فوري اقدامات کولی شي