د امریکا صدر بایډن انتظامیې د ګل، دوشنبې په ورځ اعلان وکړو چې دوی په چین نوي برامدي کنټرولز پرځای کړي ، چې ترمخه یې چین ته د جدید سېمي کنډکټر جوړونکي الاتو او د لوړ بینډ ویت کمپیوټر میموري په خرڅولو بندیز لګیدلی دی.
نوي قوانین د 24 مختلف ډول الاتو او درې مختلف سافټ وېر ټولز (کمپیوټر پروګرامونو) په خرڅ بندیز لګوي ، دغه ټول د " ایډوانسډ نوډ" یا د جدید نوډ سېمي کنډکټرونه چې په مارکیټ کې د ټولو تیز او موثر کمپیوټر چېپونو دي په جوړولو کې استعمالیږي.
د برامداتو دغه کنټرولونه چې د امریکا د تجارت وزارت د سوداګرۍ او امنیت بیورو لخوا اعلان شوي، د لوړ بینډ ویت میموري سامان لیږد هم محدودوي، کوم چې د ایډوانسډ نوډز سیمي کنډکټرونو په مصنوعي ذهانت او مشینی زدکړو په ډول ایپلي کېشنز( کمپوټر پروګرامونو ) کارولو په وخت ورته ضرورت لري.
په ورته وخت کې امریکایي حکومت 140 کمپنۍ چې زیاتره پکې د چین د شخصي سېمي کنډکټرونو جوړونکي صنعت کې دي د هغو ادارو په لېسټ کې شاملې کړې چې ورسره په امریکایي کمپنیو او د افراد په کاروبار کولو بندیز لګول شوی دی.
د بندیزونو وروستی پړاو په ځانګړي ډول مقصد چین د جدید سېمي کنډکټرونو د جوړولو سره منع کول دي. د دې د اندیښنې له مخې چې چین به بیا مصنوعي ذهانت به خپل پوځي سامان او د ټولنیز کنټرول الاتو کې شامل کړي.
دغه وزارت په یوه بیان کې د بندیزونو د اعلان په وخت وویل چې"د مصنوعي ذهانت (AI) جدید ماډلونه د جګړې په ډګر کې د چټک غبرګون منظرنامو دپاره کارول کیدی شي، د سائبر وسلو ، کیمیاوي، بیولوجیکل، ریډیولاجیکل، یا ایټمي وسلو په جوړولو کې خنډونه کموي ، او د مخ او اواز شناخت د ټیکنالوجۍ د استعمال سره د اقلیتونو او سیاسي مخالفینو د ځپلو او څارنې دپاره."
وي او ای ته لیږل شوي په یوه بیان کې په واشنګټن کې د چین سفارت دغه بندیزونه غندلي دي.
د چین سفارت ویلي: "چین د امریکا د وروستي سېمي کنډکټر په برامداتو کنټرول ګامومو سخت مخالفت کوي. او دا ګام د یو عادي اقتصادي جبر او غیر مارکیټ عمل دی."
Forum