واشنګټن (وي او ای ډیوه) — ډانلډ ټرمپ د ګل، دوشنبې، په ورځ د امریکې د ۴۷ صدر په حېث د خپلې عهدې سوګند پورته کړو.
د امریکې د کانګرس په ودانۍ کې په یوه خصوصي دستوره کې ټرمپ د صدارت د دویمې دورې سوګند پورته کړو.
په دستوره کې د امریکې تلوونکي صدر جوبایډن او د امریکې دریو پخوانیو صدرانو هم شرکت وکړو
صدر منتخب ډانلډ ټرمپ د کانګرس د ودانۍ هغه تالار ته ور ورسېدو چېرته چې به هغه په لږ وخت کې د خپلې چوکۍ سوګند پورته کوي.
ټاکل شوې ده چې ټرمپ به د خپلې عهدې سوګند د واشنګټن په وخت د غرمې دولس بجې پورته کوي.
د امریکې موجوده صدر جوبایډن او نایب صدره کاملا هېرېس د نوي صدر د سوګند پورته کولو په دستوره کې شرکت دپاره د کانګرۍ تالار ته ورسېدل.
صدر منتخب ډانلډ ټرمپ به لږ وخت کې د خپلې چوکۍ سوګند پورته کوي.
نایب صدر منتخب جی ډي وېنس د کانګرس تالار ته ورسېدو.
د کانګرس په ودانۍ کې د نوي صدر د سوګند پورته کولو په دستوره کې د امریکې درې پخواني صدران جورج ډبلیو بش، براک اوباما او بېل کلېنټن هم شرکت کوي.
د دې نه علاوه د امریکې د سپریم کورټ ججان او نور مېلمانه په دستوره کې شرکت کوي.