لاس رسیدونکی لینک

Breaking News

په بلوچستان کې تر نیمایې زیات ماشومان له خوارځواکۍ سره مخ دي


هلته ۱۷ فیصده ماشومان د زیږدني په لومړی میاشته یا بیا په کال کښې دننه ژوند له لاسه ورکوي د ده په وینا د خوراک له کمي سره مخ ماشومانوکښې ذهني صلاحیت او د کار کولو استعداد هم تر نورو کم وي

په بلوچستان کې د روغتیا چارواکې وایې هلته تر نیمایې زیات ماشومان له خوارځواکۍ سره مخ دي چې له امله یې ۱۶ سلنه ماشومان لنډ قامته پاته شوي دي.

‌‌‌‌‌‌ډاکټر امین مندوخېل چې د بلوچستان د غذایي چارو د حكومتي ادارې مشر دی، ‌‌‌‌‌‌ډيوه ته ویلي دي چې حکومت د خوراک د نړیوالي ادارې په وړاندیز په ٧و ضلعو کې د ماشومانو د خوارځواکۍ په اړه بیړنی حالت پر ځای کړی دی او هلته کور په کور د ځانګړې خوراکونو پیکټونه ویشل کیږي.

ښاغلي مندوخېل وویل د بلوچستان حکومت پریکړه کړې ده چې د صوبې په ټولو یعني ٣٣و ضلعو کې بیړنی غذایي حالت پر ځای کړي او د مرستو کار به د دې کال د مارچ په میاشته کې پیل کړي.

د نوموړي په وینا هلته ۱۷ فیصده ماشومان د زیږدني په لومړی میاشته یا بیا په کال کښې دننه ژوند له لاسه ورکوي د ده په وینا د خوراک له کمي سره مخ ماشومانوکښې ذهني صلاحیت او د کار کولو استعداد هم تر نورو کم وي.

د خوارځواکي د مخنیوي د ملې ادارې مرستیال مشر ‌‌‌‌‌‌ډاکټر امداد اڅکزي وویل په بلوچستان کې د خوارځواکۍ لوی علت بېوسي، وچکالي او د کشت وکروندې وچوالی دی.

‌‌‌‌‌ډاکټر اڅکزی وایې په بلوچستان کې نږدې ۷۰۰۰ ښځینه روغتیایې ماموریني د خوارځواکۍ دشدت مالومولو لپاره کور په کور څېړنه کوي او ‌‌‌‌‌‌ډېر زر به اغېزمنو ماشومانو ته د خوراک ځانګړي بستې ورسول شي.

د پاکستان حکومت په تکرار سره ادعا کوي چې بلوچستان په طبیعي زیرمو شتمنه صوبه ده چېري چې د ګازو، تیلو، سرو زرو او مرمر ‌‌‌‌‌‌ډبرو په ګډون د یو شمېر ګران بیعه کاڼو زخیرې شته چې هر کال په اربونو روپۍ عاید لري خو د بلوچستان اعلا وزیر جام کمال عالیاني په ورستیو کې پاکستاني مطبوعاتو ته ویلي وو چې مرکزي حکومت د صوبې د طبیعي زیرمو د عوایدو ‌‌‌‌‌‌ډېره لږ برخه و دوی ته ورکوي.

XS
SM
MD
LG