د افغانستان جمهور رئیس حامد کرزي د هغه سړي د خوشي کولو دفاع کړې چې عېسوئ شوئ ؤ او کېدای شو چې اعدام شي. ښاغلي کرزي نن چې په کابل کې د قاضیانو او مذهبي مشرانو سره خبرې کولې ووېل چې دا سلام نه د اوښتو مسئله د مسلمانانو د پاره یوه ډېره حساسه خبره ده. خو کرزی زیاته کړه چې پدې خوشحاله دئ چې محکمو پدې ارتباط د احساساتو نه کار وانه خیست.
دا د ۴١ کلن عبدالرحمن د قضیې نه چې د اسلام نه عېسویت ته داوښتو په گناه بندی شوئ ؤ اول ځل دئ چې ښاغلي کرزي د خلکو په وړاندې را څرگندېږي. عبدالرحمن تېره هفته چې خوشئ شو ایټالیې ته یې پناه یوړه.
د عبدالرحمن پر مسئله باندې په غرب کې لویه غوغا جوړه شوه، خو په افغاستان کې خلک په غوصه وو ځکه چې پدې ملک کې د مړتد سزا اعدام دئ.
ځینې مذهبي مشرانو په عام ولس غږ کړئ ؤ چې که عبدالرحمن بېرته مسلمان نشي و یې وژني