خيبرايجنسي : دامنيتي ځواکونو په مرکز بريد کې ١٢ مړه

چارواکي وايي بيگاه دافغانستان پولې ته نزدې دپاکستان قبائيلي سيمې خيبرايجنسۍ کې دتندلارو لخوا دراکټونو داغلو له امله ١٢ کسان وژل شوي اؤ ٤٥ نور ژوبل شوي دي
سرچينې وايي بيگاه دشپې جنگيالو دنزدې غرونو څخه دامنيتي ځواکونويو په کيمپ گڼ راکټونه وداغل چې له دې وروسته دامنيتي ځواکونو اؤ جنگيالو ترمينځ تر ٣ؤ ساعتو سخته جگړه هم شوې ده.
يو امنيتي چارواکي وويل بيگاه دتندلارو لخوا په خيبرايجنسۍ کې د امنيتي ځواکونو په يو مرکز ٣ راکټونه وداغل شول چې له امله يې ١ عسکر ژوبل شو.
دځايې انتظاميې يو چارواکي اعظم جان وويل دخيبرايجنسۍ دلنډي کوتل تحصيل په مال گودام سيمه دراکټونو داغل کيدلو له امله ١٠ کسان وژل شوي اؤ ٤٥ نور ژوبل شوي دي.
نن دجمعې په ورځ يو امنيتي چارواکي راشد خان خبريالانو ته وويل امنيتي ځواکونو دهاغو شکمنو طالبانو تعقيب پيل کړى چې دهغوي په مرکز يې راکټونه داغلي وؤ.
پاکستاني ځواکونو په خيبرايجنسۍ کې دتندروه جنگيالو په ضد په دې وروستيو کې عمليات هم کړي وؤ.