د امریکا پوځ د هغو دریو ولسی افغانانود وژنی له کبله بخښنه غوښتی ده چه د شنبه په شپه د غزنی د ولایت په یوی کلیوالی سیمی کی د تالاشی په یوی پوستی باندی په حمله کی ووژل شول. د امریکا د پوځ نطاق تورن ، سکات نیلسن ، وایی، سره ددی چه عسکرو دیرشو نه تر پنځوسو هوایی ډزی وکړی ، خود هغوی د سپرلی موټر چه د تلاشۍ پوستی ته نزدی کیده ، و نه دریده ، نو امریکایی عسکرو په موټر دزی وکړی ، دری سورلی په کی ووژل شوی او دری نوری سختی زخمی شوی. په دی اخرو وختونو کی امریکایی عسکرد افغانستان د ملی پوځ سره چه، تازه جوړ شویدی ، په گډه په پوستو کی تالاشی کوی. تورن نیلسن بخښنه وغوښته او وی ویل چه ددی پیښی تحقیق کیږی. ده زیاته کړه پوځ غواړی چه ډاډه شی چه پوستی محفوظی دی. ددی میاشتی په سر کی جمهورریس حامد کرزی، په افغانستان کی د امریکا د پوځ عالی رتبه قوماندان ډگرجنرال دیوید بارنو سره وکتل چه د امریکا او د افغانستان د پوځ تر منځ اړیکی ښی شی.
