د افغانستان په ختیځ خوست ولایت کې مسلح حمله کونکي د واده په مراسمو ډزې وکړې او پنځه کسان یې ووژل او ١٥ نور یې زخمیان کړل.
افغان مامورینو د اتوار، یکشنبې، په ورځ شوي پېښې په اړه وویل حمله کونکی په تښتېدلو کې بریالی شوی.
مامورینو وویل لا دا نه معلومه چې مسلح تن په واده ډزې ولې وکړې.
د پاکستان د پولې سره نژدې د خوست په دغه سیمه کې طالبان هم فعالیتونه لري او قبایلي رقابتونه هم شته.
هم د اتوار، یکشنبې، په ورځ په بلا پېښه کې لږ تر لږه اووه ماشومانو په لغمان ولایت کې د مارټر گولې د خلاصېدو له امله ووژل شو.
د مامورینو ترمخه، ماشومانو په مهترلام کې د ناچاودېدلي مارټر سره لوې کولې چې پرې خلاص شو.
د لغمان ولایت د حکومت ترجمان اسدالله دولت زي وویل چارواکو په دې اړه تحقیقات پېل کړي چې ماشومانو څه رنگ مارټر ومندلو او دا څه رنگ وچاودېدلو. هغه وویل د وژل شويو او زخمي ماشومانو عمرونه د ١٥ کلونونه کم دي.