د ۲۰۲۳ د کرکټ په ورلډ کپ مېچ کې افغانستان د ګل، دوشنبې، په ورځ سري لنکا ته په اووه وېکټو ماتی ورکړو.
د افغانستان کپتان حشمت الله شاهدي ټاس ګتلی و او بېټېنګ یې سري لنکا ته ورکړی و.
سري لنکا په ۴۹ اشاریه درې اوورونو کې د ټولو لوبغاړو په اوټ کېدو ۲۴۱ رنز وکړل.
د سري لنکا په جواب کې افغانستان د دریو لوبغاړو په اوټ کېدو په ۴۵ اشاریه دوو اورونو کې ۲۴۲ رنز جوړ کړل او مېچ يې وګټلو.
د افغانستان په اننګز کې عظمت الله عمرزي ۷۳ رنز جوړ کړي وو او نه و اوټ شوی. رحمت شاه په ۶۲ رنز اوټ شو او حشمت الله شاهدي په ۵۸ رنز نه وو اوټ شوی.
ای اېف پي خبري اداره وايي سري لنکا ته په ماتي ورکولو افغانستان سېمي فاینل ته د رسېدو اميدونه ژوندي وساتل.
دافغانستان پاکستان ته هم ماتی ورکړی.
افغانستان او سري لنکا دواړو ټیمونو د ورلډ کپ دفاعي چېمپین انګلېنډ ته ماتی ورکړی دی.
افغانستان سري لنکا ته په ورلډ کپ مېچ کې په اووه وېکټو ماتې ورکړو
واشنګټن (ای اېف پي/روېټرز) —
1
Forum